اسلام آباد:پارلیمنٹ کےمشترکہ اجلاس میں دلچسپ مناظردیکھنےمیں آئے۔وزیراعظم عمران خان ، شہبازشریف کی طویل تقریرسےاکتاگئے۔ اپوزیشن لیڈرکی تقریرکےبعدجواب دیاکہ آپ بتائیں حکومت کیاکرے، کیابھارت پرحملہ کردیں ؟ جس پرشہبازشریف نےکہاانہوں نےتوایسا نہیں کہا۔ وزیراعظم بولےآپ نےایساہی توکہا ہے۔
دوسری طرف جب وزیراعظم عمران خان نےتقریرشروع کی توسابق صدرآصف زرداری نےایوان میں انٹری دی وزیراعظم کوتقریرروکناپڑی۔ پھرشہبازشریف اوران کے بعد بلاول بھٹو ایوان میں آئے۔ اب اسےاپوزیشن کی پلاننگ کہئیےیایہ عمل غیرارادی تھاکہ تین باروزیراعظم کواپنی تقریرروکناپڑی، جس پرخفاہوکروزیراعظم نےکہاکہ اپوزیشن سنجیدہ نہیں۔
ایوان میں جب چیئرمین پیپلزپارٹی بلاول بھٹونےتقریرشروع کی تووزیراعظم عمران خان ایوان سے چلے گئے۔یاد رہے کہ آج ایوان میں بھارت کی طرف سے مقبوضہ کشمیرکی اپنی حیثیت ختم کرکے اس پر فوجی قبضے کو مضبوط بنانے کی ناکام جسارت پرحکومتی اور اپوزیشن ارکان نے متفقہ ردعمل دیا ہے.
