وزیراعظم عمران خان دودن اسلام آباد میں کیاکرتے رہے ،خبرنے ہلچل مچادی

اسلام آباد:تحریک انصاف کی حکومت کے 100 دن مکمل ہونے پر تقریب سے خطاب میں وزیراعظم عمران خان نے کہا تھا کہ انہوں نے ان 100 دنوں میں صرف ایک مرتبہ چھٹی کی ہے.ذرائع کے مطابق وزیراعظم عمران خان نے طویل عرصے بعد حکومتی اور سیاسی مصروفیات ترک کرتے ہوئے ہفتہ اور اتوار کی چھٹیاں بنی گالہ میں اہل خانہ سے ساتھ گزاریں۔

عمران خان نے طویل عرصے بعد 2 روز کی چھٹیاں کیں اور دن اہل خانہ کے ساتھ بنی گالہ میں گزارا ، اس دوران انہوں نے کسی سے ملاقات کی اور نہ ہی کسی اجلاس کی صدارت کی۔ذرائع کے مطابق وزیراعظم نے ہفتے کی طرح اتوار کا دن بھی اپنے گھر والوں کے ساتھ گزارا اور آج بھی کسی قسم کی سیاسی یا حکومتی سرگرمی میں شریک نہیں ہوئے۔

ذرائع کا کہنا ہے کہ وزیراعظم عمران خان نے چھٹی کے روز دیرینہ دوستوں سے بھی گپ شپ کی جس میں کرکٹ سے متعلق امو رپر بھی بات کی گئی۔ذرائع کے مطابق وزیراعظم کا کہناتھا کہ نیا ڈومیسٹک نظام حقیقی ٹیلنٹ اوپر لائے گا،معیاری فرسٹ کلاس کرکٹ نہ ہونےسے ہماری کرکٹ پیچھے رہ جائے گی۔

قومی کرکٹ ٹیم کے سابق کپتان سرفراز احمد کے حوالے سے ان کا کہنا تھا کہ سرفرازاچھےکھلاڑی ہیں، ڈومیسٹک کرکٹ میں محنت کرکے واپس آئیں، ٹیم کے کوچ اور چیف سلیکٹر مصباح الحق کے حوالے سے ان کا کہنا تھا کہ مصباح میں سیلیکشن اور کوچنگ کی صلاحیت موجود ہے۔