وزیر اعظم عمران خان لینڈسلائڈنگ سے زخمی ہونے والوں کی عیادت کے لیے کشمیرپہنچ گئے
مظفرآباد:وزیر اعظم کا سی ایم ایچ مظفرآباد کا دورہ، لینڈ سلائیڈنگ سے زخمی ہونیوالوں کی عیادت کی،اطلاعات کےمطابق وزیر اعظم آزاد کشمیر پہنچ گئے جہاں انہوں نے لینڈ سلائیڈنگ اور برفباری سے متاثرہ علاقوں کا دورہ کیا۔ عمران خان نے سی ایم ایچ مظفراباد میں زخمیوں کی عیادت بھی کی، چیف سیکرٹری آزاد کشمیر نے برفباری سے ہونے والے نقصانات سے متعلق بریفنگ دی.
وزیر امور کشمیر علی امین گنڈاپور بھی عمران خان کے ساتھ ہیں، وزیر اعظم نے لینڈ سلائیڈنگ سے متاثرہ علاقوں میں ریلیف سرگرمیوں کا جائزہ لیا جبکہ متاثرہ خاندانوں سے ان کو درپیش مسائل دریافت کئے،
روزیراعظم عمران خان نے شہید ہونے والے افراد کے خاندانوں کوتمام تررلیف دینے کا حکم دیتے ہوئے کہا کہ تمام شہداکے خاندانوں سے رابطہ کرکے ان کی تکالیف دورکی جائیں اورجن چیزوں کی ان کو ضرورت ہے وہ فی الفورپوری کی جائیں
وزیراعظم نے ہدایت کی کہ زخمیوں کے علاج معالجے میں تمام تروسائل استعمال کیئےجائیں ، جن کشمیریوں کے مکان برفباری کے نتیجے میں تباہ ہوئے ہیں یا جزوی نقصان پہنچا ہے ان کے گھر تعمیرکرنے کے احکامات دیئے
وزیراعظم عمران خان نے اس موقع پر یہ بھی ہدایت کی کہ جن مریضوں کا علاج یہاںسے ممکن نہیںان کواسلام آباد اور راولپنڈی کے ہستپالوں میں پہنچایا جائے اوران کے علاج معالجے کے فی الفور انتظامات کیئے جائیں
