اسلام اباد:وزیرِاعظم نےمیڈیا انڈسٹری اورمیڈیا ورکرزکےتحفظ کےلئےاقدامات کےحوالےسے پانچ رکنی کمیٹی قائم کرکےمثال قائم کردی،اطلاعات کےمطابق وزیرِ اعظم عمران خان نے کورونا وائرس کی صورتحال کے تناظر میں میڈیا انڈسٹری اور میڈیا ورکرز کے تحفظ کے لئے اقدامات کے حوالے سے پانچ رکنی کمیٹی قائم کردی
باغی ٹی وی کے مطابق وزیراعظم کی طرف سے کمیٹی کا قیام پاکستان براڈ کارسٹرز ایسوسی ایشن کی جانب سے وزیرِ اعظم کو بھیجے جانے والے خط کے بعد کیا گیا۔
باغی وی کے مطابق وزیراعظم کی طرف سے قائم کردہ کمیٹی میں وزیرِ تعلیم شفقت محمود، معاون خصوصٰ برائے اطلاعات فردوس عاشق اعوان، معاون خصوصی شہزاد اکبر، سیکرٹری اطلاعات اور ڈاکٹر شہباز گل پر مشتمل ہوگی
ذرائع کے مطابق کورونا وائرس کی وجہ سے پیدا شدہ صورتحال کے تناظر میں میڈیا انڈسٹری کو ممکنہ بحران سے بچانے اور میڈیا ورکرز کے تحفظ کی غرض سے پاکستان براڈ کاسٹرز ایسوسی ایشن نے وزیرِ اعظم سے براہ راست درخواست کی اور اندسٹری کے لئے حکومت کی جانب سے سپورٹ کی درخواست کی تھی۔
وزیرِ اعظم نے اس حوالے سے کہا ہے کہ کمیٹی کو پاکستان براڈکاسٹرز ایسوسی ایشن کی جانب سے پیش کی جانے والی سفارشات کا جائزہ لینے اور مسائل کا حل کرنے کا ٹاسک سونپ دیا گیا۔ کورونا وائرس کے درپیش چیلنج سے نمٹنے میں میڈیا کا کلیدی کردار ہے
وزیرِ اعظم نے کہا ہے کہ کورونا کے خلاف نبردآزما دیگر متعلقین کے ساتھ ساتھ صحافی اور میڈیا ورکرز بھی ہر اول دستے کا کردار ادا کر رہے ہیں۔ میڈیا ورکزر کے تحفظ اور انڈسٹری کی مشکلات کم کرنے کی ہر ممکنہ کوشش کی جائے گی
