وزیراعظم شہبازشریف کا کابینہ کے ہمراہ جی ایچ کیو کا دورہ

وزیراعظم شہبازشریف نے جی ایچ کیو کا دورہ کیا ،کابینہ کے اہم ارکان بھی وزیراعظم کے ہمراہ تھے ۔آئی ایس پی آر کے مطابق آرمی چیف جنرل عاصم منیر نے وزیراعظم کا استقبال کیا، وزیر اعظم کو گارڈ آف آنر پیش کیا گیا ، وزیراعظم شہباز شریف نے یادگار شہداء پر پھول چڑھائے اور شہداء کو خراج عقیدت پیش کیا۔وزیراعظم شہباز شریف اور کابینہ اراکین نے عسکری قیادت کے ساتھ قومی سلامتی علاقائی استحکام اور عسکری تیاریوں پر گفتگو کی ، وزیراعظم اور ان کے وفد کو موجودہ سیکیورٹی صورتحال خطرات اور ان سے نمٹنے کے لیے تیاریوں کے ساتھ انسداد دہشت گردی آپریشن پر بریفنگ دی گئی ،وزیراعظم اور کابینہ اراکین نے پیشہ وارانہ مہارت، آپریشنل تیاریوں اور پاک فوج کی دہشت گردی کے خلاف جنگ میں قربانیوں کو سراہا۔ وزیراعظم شہباز شریف نے کہا ہے کہ حکومت مسلح افواج کی آپریشنل تیاریاں یقینی بنانے کیلئے تمام درکار وسائل دے گی، پاکستان کا عروج ملک کا مقدر ہے، پاکستان کا پُرامن عروج یقینی بنانے کیلئے مسلح افواج کے کردار کی اہمیت کو کم نہیں کیا جاسکتا۔

وزیراعظم شہباز شریف کا کابینہ کے ہمراہ جی ایچ کیو کا دورہ۔ pic.twitter.com/P6GWUpyylv

— ممتاز حیدر (@MumtaazAwan) March 15, 2024

اس موقع پر آرمی چیف کا کہنا تھا کہ پاک فوج قوم کی توقعات پر پورا اترتی رہے گی، پاک فوج پاکستان کو درپیش سیکیورٹی چیلنجز سے نمٹنے میں حکومت کی بھرپور حمایت کرے گی۔ آرمی چیف نے دورے اور فوج پر اعتماد کرنے پر وزیر اعظم کا شکریہ ادا کیا۔ آئی ایس پی آر کے مطابق وزیر اعظم اور کابینہ ارکان نے عسکری قیادت سے قومی سلامتی، علاقائی استحکام اور فوجی تیاریوں پر بات چیت کی۔ وزیراعظم اور کابینہ ارکان کو موجودہ سیکیورٹی ماحول اور خطرات سے نمٹنے پر بریفنگ دی گئی۔ وزیر اعظم اور کابینہ کو انسداد دہشت گردی کی جاری کارروائیوں کے بارے میں بھی آگاہ کیا گیا۔