ہاں پرینیتی اور راگھو چڈھا شادی کررہے ہیں ، دوست پرینیتی ہردے سندھو

پریانکا چوپڑا کی کزن اور بالی وڈ‌ اداکارہ پرینتی چوپڑا کی شادی کی خبریں عام ہیں ، اداکارہ نے سوشل میڈیا پر چلنے والی اس قسم کی خبروں کی تاحال تصدیق یا تردید نہیں کی لیکن ان کے ایک ساتھی اداکار اور قریبی دوسرت ہردے سندھو نے کہا ہے کہ ان خبروں میں بالکل صداقت ہے کہ پرینتی چوپڑا شادی کی بندھن میں بندھ رہی ہیں اور وہ سیاستدان راگھو چڈھا کے ساتھ ہی شادی کررہی ہیں. میں نے تو پرینتی کو شادی کی مبارکباد کی کال بھی کی تھی. ہردے نے کہا کہ میں بہت خوش ہوں کہ پرینیتی اور راگھو چڈھا شادی کے بندھن میں بندھنے جا رہے ہیں دونوں ایک دوسرے کو بے حد پسند کرتے ہیں. جس طرح پرینیتی کے مداح ان کی شادی کی خبر سن کو خوش ہیں اسی طرح سے ہم سب کی بھی خوشی کی انتہا

نہیں ہے. انہوں نے کہا کہ دونوں کی دوستی دیرینہ ہے اور پرینتی اکثر کہا کرتی تھیں کہ مجھے جب تک کوئی میری پسند کا نہیں ملے گا میں شادی نہیں کروں گی. تو محسوس کیا جاسکتا ہے کہ پریتنی کو راگھو کی صورت میں پرفیکٹ ساتھی مل گیا ہے تبہی تو انہوں نے ان کے ساتھ شادی کا فیصلہ کیا ہے. ہم سب کی نیک تمنائیں ان کے ساتھ ہیں.