گلوبل آئیکون پریانکا چوپڑا نے انسٹا گرام پروفائل پر معمولی سی تبدیلی سے دنیا بھر میں اپنے لاکھوں مداحوں کو حیرت و استعجاب میں مبتلا کردیا ہے۔
باغی ٹی وی : بھارتی میڈیا کے مطابق بالی وڈ اسٹار پریانکا چوپڑا نے انسٹاگرام سے اپنے شوہر اور امریکی گلوکار نک جوناس کا نام ہٹا دیا ہے پریانکاکی اس معمولی سے حرکت نے دنیا بھر میں ان کی نک جوناس سے طلاق کی افواہیں پھیل گئیں ہیں۔
پریانکا چوپڑا کے انسٹاگرام اکاؤنٹ پر اُن کا نام ’پریانکا نِک جونس‘ تھا لیکن اب حال ہی میں اُنہوں نے اپنے نام سے شوہر کا نام ہٹا دیا ہے اداکارہ کی جانب سے شوہر کا نام ہٹانے کے بعد سوشل میڈیا پر یہ قیاس آرائیاں کی جارہی ہیں کہ پریانکا اور شوہر کے درمیان علیحدگی ہوگئی ہے۔
پریانکا چوپڑا اور نک جوناس نے یکم دسمبر2018 کو ہندواور 2 دسمبر 2018کو عیسائی طرزِ عمل کی شادی کی تھی اور جب سے دونوں لو برڈز کی طرح کھلے عام اظہار محبت کرتے رہتے ہیں، حال ہی میں انہوں اپنے پہلے گھر میں پہلی دیوالی کی خوشیاں منائی تھی۔
پریانکا نے اس یادگار لمحے کی تصاویر شیئر کرتے ہوئے لکھا تھا ’ ہمارے پہلے گھر میں ہماری ایک ساتھ پہلی دیوالی۔ اور یہ ہمیشہ خاص رہے گی۔ اور ان تمام افراد کا شکریہ جنہوں نے اس شام کو ہمارےلیے خاص بنایا، آپ سب میرے لیے فرشتے ہیں-
لیکن اداکارہ نے اپنی پروفائل سے نک کا نام ہٹا کر اپنے لاکھوں مداحوں میں صدمے میں مبتلا کردیا ہے تاہم ابھی تک پریانکا کی جانب سے انسٹا گرام پروفائل سے نک کا نام ہٹانے پر کوئی تبصرہ یا پوسٹ نہیں کی گئی ہے۔
