کندھ کوٹ : رسک الاؤنس کی بندش پر پیرا میڈیکل اسٹاف، ڈاکٹرز، لیڈی ہیلتھ ورکرز کااحتجاج

باغی ٹی وی ، کندھ کوٹ ( نامہ نگار) کندھ کوٹ میں پیرا میڈیکل اسٹاف ڈاکٹرز اور لیڈی ہیلتھ ورکرز کی جانب سے حکومت سندھ کی جانب سے رسک الاونس کو بند کرنے کے خلاف ملازمین نے اپنے بچوں کے ساتھ ہاتھوں میں پلے کارڈ اٹھا کر او پی ڈی اور پولیو مہم کا مکمل بائیکاٹ کر کے احتجاجی مظاہرہ کیا اس موقع پر پیرا میڈیکل اسٹاف کے ضلع جنرل سیکریٹری قاضی اعجاز احمد۔ صدر علی حسن قمبرانی جے اے سی چیئرمین سید سردار شاہ اور یار علی ڈومکی نے بات کرتے ہوئے کہا کہ حکومت سندھ کی جانب سے رسک الاؤنس بند کرنا پیرا میڈیکل اسٹاف کے ساتھ ظلم ہے پیرا میڈیکل اسٹاف کا تمام عملہ 24 گھنٹے اپنی جان کی بازی لگا کر ان لوگوں کو اپنے سینے سے لگاتا ہے جس سے اسکے کے پیارے بھی نفرت کرتے ہیں اس موقع پر ڈاکٹرز پیرا میڈیکل اسٹاف کے ملازمین لیڈی ہیلتھ پولیو ورکرز نے سندھ حکومت سے مطالبہ کیا کہ فوری طور پر رسک الاؤنس بحال کر کے ملازمین میں پائی جانے والی بےچینی ختم کی جائے بصورت دیگر کراچی پریس کلب کے آگے کل احتجاجی دھرنا ہو گا اگر ملازمین کو کچھ بھی ہوا تو اس کا زمیندار میڈم اظرا پیچوہو اور ہلتھ سیکریٹری سندھ ہوگا۔