پشاور:کرکٹ کے شائقین کے لیےزبردست خبر: پی ایس ایل 6:پشاور زلمی اور ترکش ائیرلائن کے درمیان ایم او یو پردستخط ،اطلاعات کے مطابق پی ایس ایل 6 سے قبل پشاور زلمی اور ترکش ائیرلائن کے درمیان ایم او یو پر دستخط ہوگئے ہیں اوریہ خبر کرکٹ شائقین کے لیے بہت بڑی خوشخبری سے کم نہیں
اس حوالے سے خوشخبری سناتے ہوئے بتایا گیا ہے کہ ترکش ائیرلائن پی ایس ایل 6 کے لئے پشاور زلمی کا آفیشل ایئر لائن پارٹنر بن گیا
میڈیا اور برانڈ ویلیو کے لحاظ سے پاکستان سپر لیگ کی نمبرون فرنچائز ، پشاور زلمی کا 20 فروری 2021 سے شروع ہونے والے ٹورنامنٹ کے چھٹے ایڈیشن کے لئے ترکش ائیر لائن کے ساتھ اسپانسرشپ معاہدہ طے پاگیا۔
یہ بھی معلوم ہوا ہے کہ چیئرمین پشاور زلمی جاوید آفریدی اورترکش ائیرلائن کے برہان نے لاہور میں اسپانسرشپ کے معاہدے پر دستخط کیے۔
اس موقع پر پشاور زلمی کے چیئرمین جاوید آفریدی نے ترکش ائیرلائن کے ساتھ اسپانسرشپ کے معاہدے پر خوشی کا اظہار کیا۔ انہوں نے کہا کہ "یہ پشاور زلمی کی ترکش ائیرلائن کے ساتھ شراکت کا پہلا سال ہے اور میں ترکش ائیرلائن کا شکریہ ادا کرتا ہوں اور امید ہے کہ یہ وننگ پارٹنرشپ مستقبل میں بھی جاری رہے گی
