کون کس کے مد مقابل ، پی ایس ایل فائیو کے سیمی فائنل کا شیڈیول آگیا

پی ایس ایل فائیو کے سیمی فائنل کل کھیلے جائیں گے

باغی ٹی وی : پی ایس ایل فائیو کے سیمی فائنل کل کھیلے جائیں گے ۔ پہلے سیمی فائنل میں پشاور زلمی اور ملتان سلطانز جبکہ دوسرے سیمی فائنل میں کراچی کنگز اور لاہور قلندرز میں مقابلہ ہوگا
پی ایس ایل فائیو کے سیمی فائنلز قذافی اسٹیڈیم میں کھیلے جائیں گے پہلے سیمی فائنل میں سابق چیمپئن پشاور زلمی اور ملتان سلطانز آمنے سامنے ہوں گی ۔ ملتان سلطانز اور پشاور زلمی کی ٹیموں نے قذافی اسٹیڈیم میں ميچ کي تياري کے ليے بھرپور ٹریننگ سيشن ميں حصہ ليا۔

میڈیا سے گفتگو کرتے ہوئے ملتان سلطانز کے کپتان شان مسعود کا کہنا تھا کہ اچھی تیاری میں ہیں اور کامیابی حاصل کریں گے ۔ دو اہم بلے باز جانے کے باوجود ہماری ٹیم بہترین ہے ۔ لاہور قلندرز کے خلاف میچ میں تمام کھلاڑیوں کو موقع دیا اور سب نے اچھا پرفارم کیا ۔ ہمارا ڈے میچ ہوگا اور اس کا وکٹ پر انحصار ہوگا ہم پچ کنڈیشن اور مخالف ٹیم کی پلینگ الیون دیکھ کر فیصلہ کریں گے کہ ہم اگر ٹاس جيتے تو کيا کريں گے۔ شان مسعود کا کہنا تھا کہ ہم نے اپنی غلطیوں کو نوٹ کرلیا ہے اگلے میچ میں اپنی خامیوں پر قابو پائیں گے
پشاور زلمی کے کپتان وہاب ریاض کا کہنا تھا کہ ٹیم اچھی فارم میں ہے کوشش کریں گے کہ اچھی کرکٹ کھیلیں ۔ پچھلے میچز میں جو غلطیاں کی وہ نہیں دہرائیں گے ہمارے غیر ملکی پلیئرز جاچکے ہیں ہم نے پلان کیا تھا کے لوکل پلیئرز کو زیادہ موقع دیں ۔ ڈیرن سیمی کی پرفارمنس کو دیکھ کر کھلانے کا فيصلہ کريں گے ۔ وہاب رياض کا کہنا تھا کہ وہ لاہور ميں شاہقين کے نا ہونے کو مس کريں گے ۔ ليکن لوگوں کی صحت بہت ضروری ہے کرونا وائرس کافی زیادہ پھیل رہے ہے اس سے بچاو کے ليے ضروري تھا کہ شاہقين کے بخير ميچ کھيلا جاے۔ ان کا کہنا تھا کہ نیا میچ ہے اور کسی بھی ٹیم میں غلطی کی گنجائش نہیں ہے دونوں ٹیموں پر ایک جیسا ہی پریشر ہوگا ليکن اگر ہم فائنل میں پہنچ جاتے ہیں تو لاہور کے ساتھ فائنل کھیلنا چاہوں گا۔ دوسری جانب کراچی کنگز اور لاہور قلندرز کی ٹیموں نے سیمی فائنل سے قبل مکمل آرام کیا پہلا سیمی فائنل دوپہر دوبجے اور دوسرا سیمی فائنل سات بجے شام شروع ہوگا