لاہور:پی ایس ایل کی افتتاحی تقریب میں 132 بھارتی، قوم کو شرمناک حرکت کا جواب چاہیے’پی سی بی جواب دو‘ ٹاپ ٹرینڈ بن گیا ہے،اطلاعات کےمطابق پی ایس ایل کی افتتاحی تقریب میں 132 بھارتی، قوم کو شرمناک حرکت کا جواب چاہیے
پاکستان سپر لیگ کے پانچویں ایڈیشن کی مایوس کن افتتاحی تقریب کی گونج ابھی تک سنائی دے رہی ہے اور اب ٹوئٹر پر ’پی سی بی جواب دو‘ ٹاپ ٹرینڈ بن گیا ہے۔چلیں جانتے ہیں کہ ٹوئٹر پر پاکستان کرکٹ بورڈ کے حوالے سے ’پی سی بی جواب دو‘ ٹاپ ٹرینڈ ٹرینڈ کیوں کر رہا ہے؟20 فروری کو پاکستان سپر لیگ 5 کی افتتاحی تقریب نیشنل اسٹیڈیم میں منعقد کی گئی تھی جس کے بعد مداح بے حد مایوس ہوئے تھے۔
بعد ازاں تقریب کے حوالے سے سوشل میڈیا پر ایک بحث چھڑ گئی تھی جس میں کسی نے میزبان علی گوڈیل کو تنقید کا نشانہ بنایا تو کسی نے تقریب کی بد انتظامی پر سوالات اٹھائے۔
سوشل میڈیا پر یہ بات سامنے آئی کہ پی ایس ایل 5 کے اس اہم ترین دن یعنی افتتاحی تقریب کی ذمےداری بھارتی ڈائریکٹر اور ایونٹ پلانر کو دی گئی تھی، اس بات کے سامنے آتے ہی سوشل میڈیا صارفین آگ بگولا ہوگئے تھے۔اب حال ہی میں میزبان وقار ذکا کی جانب سے ایک ویڈیو شیئر کی گئی جس میں انہوں نے حیران کُن انکشاف کرتے ہوئے بتایا کہ افتتاحی تقریب کی انتظامیہ کے لیے 130 بھارتیوں کو رکھا گیا تھا۔
وقار ذکا نے اپنی ویڈیو میں ایک فہرست دکھائی جس میں پی ایس ایل 5 کی افتتاحی تقریب کی انتظامیہ میں 130 سے زائد بھارتیوں کے نام تھے، وقار نے حکومتِ پاکستان سے سوال کیا کہ اس فہرست کو دیکھیں اور بتائیں جہاں پاکستان میں نوکریاں نہیں ہیں، لوگوں کے پاس کھانے کو نہیں ہے، ایسے میں یہ تمام لوگ پاکستان کیوں آئے؟
From line of control violations, to banning our cinema, to boycotting our cricket team, to soreading terrorism. India destabilises us. Why 132 Indians are hired by PCB ? This is unacceptable. nation needs answer of this shameful act#PCBJawabDo pic.twitter.com/Xkdc6wxkkV
— Marwat (@PakNasirShah) February 23, 2020
وقار ذکا نے اپنی ویڈیو میں کہا کہ کشمیر کا واقعہ کیا بھول گئے؟ کشمیر کے لیے آواز اٹھانا چھوڑ دی، اپنے ملک والوں کو کام دینا چھوڑ دیا۔ویڈیو میں وقار نے کہا کہ بھارت میں ہمارے فنکاروں کو دھکے مار کر نکالا گیا ان کے ساتھ برا سلوک کیا جاتا ہے، انہوں نے کہا کہ آپ خود سوچیں کہ کیا کوئی بھارتی کبھی بھی یہ چاہے گا کہ پاکستان کا کوئی اتنا بڑا ایونٹ مقبول ہو۔
وقار ذکا کی اس ویڈیو کے بعد ٹوئٹر پر ہیش ٹیگ پی سی بی جواب دو ٹرینڈ کرنے لگا اور تقریباً 5 ہزار سے زائد صارفین کی جانب سے اس معاملے پر ٹوئٹ کیے جا چکے ہیں۔تاہم اس معاملے کے حوالے سے پاکستان کرکٹ بورڈ (پی سی بی) کی جانب سے کوئی ردِ عمل سامنے نہیں آیا ہے۔
احتشام چوہدری نے فہرست کی تصویر شئیر کرتے ہوئے لکھا کہ ’130سے زائد بھارتیوں کو پاکستان کا اتنا اہم ایونٹ دیا گیا، کیا پاکستانی افتتاحی تقریب نہیں کروا سکتے تھے؟ ہمارے ملک میں یہ کیا ہو رہا ہے‘۔
130+ indians were invited to manage one of the big event in Pakistan. What does it mean? Pakistan can't manage their own opening ceremonies. What's going on in our country #PCBJawabDo pic.twitter.com/9V7WlM0Bc5
— Ahtisham Chaudhary (@Ahtiich_989) February 23, 2020
ایک صارف نے لکھا کہ ’لائن آف کنٹرول کی خلاف ورزیاں، سنیما پر پابندی، کرکٹ ٹیم پر پابندی، دہشت گردی، اس کے باوجود بھی پی سی بی نے 132 بھارتیوں کو ذمہ داری دی، یہ ناقابل قبول ہے، قوم کو اس شرمناک حرکت کا جواب چاہیئے‘۔
This shitty pcb head should #Resign immediately!!!
Hamara pesa hai tumharay baap ka nahi!! #PCB #PCBJawabDo pic.twitter.com/2hbGhRmynV— Ali Khawaja ISF🇵🇰 (@AliSherKhawaja1) February 23, 2020
علی شیر خواجہ نے پی سی بی کے سربراہ احسان مانی سے استعفیٰ دینے کا مطالبہ بھی کیا۔
یاد رہے کہ سب سے پہلے پی سی بی کی طرف سے چوری چھپے بھارتیوں کوبلائے جانے کاانکشاف پاکستان کے معروف صحافی مبشرلقمان نے کیا تھا اورقوم کے سامنے حقائق پیش کئے تھے ، جس کے بعد قوم کے علم میںیہ بات آئی اورپھراب یہ ایک نعرہ بن گیا ہے کہ پی سی بی جواب دے کہ اس نے قوم کے علم میں لائے بغیر بھارتی شہری پاکستان کیوں بلائے
