پی ٹی آئی حکومت نے قومی خزانے کتنے ارب کا نقصان پہنچایا، پیپلز پارٹی نے بڑا الزام لگا دیا
باغی ٹی وی : پیپلز پارٹی نے این ایل جی سکینڈل کی شفاف تحقیقات کروانے کا مطالبہ کر دیا. ایل این جی سکینڈل کرپشن اور حکومت کی نااہلی کی بدترین مثال ہے،
ترجمان بلاول بھٹو زرداری سینیٹر مصطفی نواز کھوکھرنے کہا کہ صرف اس سال ایل این جی تاخیر سے منگوانے سے قوم کو 36 ارب کا ٹیکہ لگا ؟ ،
مجموعی طور پر دو سالوں میں ایل این جی کی مد میں قومی خزانے کو 122 ارب کا نقصان پہنچایا گیا ہے، قومی خزانے کو اتنا بڑا نقصان پہنچانے کا ذمہ دار کون ہے ؟ تحقیقات کی جائے ،
تحقیقات کر کے قوم کو بتایا جائے کہ کس نے نااہلی برتی اور کس نے کرپشن کی ،دوسروں کو طعنے دینے والے وزیراعظم ذرہ اپنے اعمال پر بھی غور کریں ،کیوں نیب کو اتنی بڑی کرپشن اور نااہلی نظر نہیں آ رہی ؟،
نیب اور انصاف کے اداروں کی اتنے بڑے سکینڈل پر خاموشی پر کئی سوال اٹھ رہے ہیں .کیا احتساب اور سزائیں صرف اپوزیشن کیلئے ہیں حکومت کو کھلی چھوٹ ہے جو چاہے کرے ؟،ایک بار پھر پاکستان میں احتساب کے نام پر ہونے والا انتقام بے نقاب ہو چکا ہے.
