پنجاب پولیس زندہ باد،جاوید بدرولد بدردین کے نام کے دوبندے ایک کوضمانت تودوسرااشتہاری قرار

لاہور: پنجاب پولیس زندہ باد،جاوید بدرولد بدردین کے نام کے دوبندے ایک کوضمانت تودوسرا اشتہاری قراردیا گیا ، اطلاعات کےمطابق عدالتی تاریخ کا انوکھا ضمانتی کیس پنجاب پولیس کی کارکردگی کا پول کُھل گیا،

باغی ٹی وی کےمطابق پنجاب پولیس کی پھرتیوں کا اس وقت پتہ چلا جب سیشن کورٹ لاہور میں ایک ایف آئی آر میں دو ہم نام لوگوں نے ایک ہی عدالت سے عبوری ضمانت کروالی،ذرائع کےمطابق جب یہ معاملہ کھل کرسامنے آیا تو پتہ چلا کہ اس سارے واقعہ کا اصل کردار پنجاب پولیس ہے

دوسری طرف یہ بھی معلوم ہوا ہےکہ ہم نام ہونے کی وجہ سے پی ٹی آئی رہنما جاوید بدر نے دوسری عبوری ضمانت کروائی ،اطلاعات کےمطابق ایف آئی آر کے اصل مُلزم کا نام بھی جاوید بدر ولد بدر دین تھی ،ایک ایف آئی آر تھانہ گُجر پورہ میں درج اور ضمانت سیشن جج منصور قریشی کی عدالت میں ہوئی

باغی ٹی وی کےمطابق اس حوالے سے جب پی ٹی آئی رہنما جاوید بدرکوعلم ہوا تو پی ٹی آئی رہنما جاوید بدر نے اصل حقیقت سامنے آنے پر ضمانت واپس لے لی ، جاوید بدر نے باغی ٹی وی کو بتایا کہ مُجھے پنجاب پولیس نے بولا کہ آپ چار سال پُرانے کیس میں اشتہاری ہیں

ذرائع کےمطابق اس حوالے سے جب جب جاوید بدر سے پوچھا گیاکہ کیا پنجاب پولیس نے آپ سے کوئی زیادتی تونہیں کی ؟ تو جاوید بدر کا کہنا تھا کہ میں نے پنجاب پولیس کے شدید دباؤ میں آکر عبوری ضمانت کروائی ،انہوں نے مزید بتایا کہ میرے وکیل عدیل ہاشمی نے پنجاب پولیس کو ایکسپوز کیا

پنجاب پولیس کی پھرتیوں پر اظہارخیال کرتے ہوئے جاوید بدر کا کہنا تھا کہ وزیراعظم کو پنجاب پولیس کے بارے تعریفی کلمات واپس لینے ہوں گے ،جاوید بدرکا کہ بھی کہنا تھا کہ بُذدار حکومت میں پولیس کی کارکردگی ن لیگ کے دور سے زیادہ خراب ہے