پی ٹی آئی کے 43 ایم این ایز کےاستعفےمنظورکرنےکیخلاف درخواست کا تحریری حکم جاری

لاہورہائیکورٹ نے پی ٹی آئی 43 ایم این ایز کے استعفے منظور کرنے کے خلاف درخواست کا تحریری حکم جاری کردیا-

باغی ٹی وی: لاہورہائیکور ٹ کے جسٹس شاہد کریم نے 4 صفحات پر مشتمل عبوری تحریری حکم جاری کیا،تحریری حکمنامے کے مطابق لاہورہائیکور ٹ نے 43 سیٹوں پر ضمنی انتخاب کو روک دیا،43 نشستوں پر الیکشن شیڈول جاری نہیں کیا جائے گا –

حکمنامے کے مطابق عدالت الیکشن کمیشن کے جاری کردہ 25 جنوری کےنوٹیفکیشن کو معطل کرتی ہے ،عدالتی فیصلے میں کہا گیا ہےکہ الیکشن کمیشن کا ارکان کو ڈی نوٹیفائی کرنےکا نوٹیفکیشن7 مارچ تک معطل رہےگا اور اسی کے تناظر میں ضمنی الیکشن بھی معطل رہے گا۔

فیصلے میں مزید کہا گیا ہےکہ الیکشن کمیشن کا سیٹیں خالی قرر دینے کا نوٹیفکیشن 7 مارچ تک معطل رہے گا اور الیکشن کمیشن ان نشستوں پر انتخابات کا اعلان نہیں کرے گا۔

لاہورہائیکور ٹ نے درخواست کو سماعت کے لیے منظور کر لیا،لاہورہائیکور ٹ نے تمام فریقین کو تحریری جواب داخل کرنے کی ہدایت کر دی،لاہورہائیکور ٹ میں درخواست پر مزید کارروائی 7 مارچ کو ہو گی-

واضح رہے کہ قبل ازین لاہور ہائیکورٹ کے جسٹس شاہد کریم نے نے الیکشن کمیشن کی جانب سے پاکستان تحریک انصاف (پی ٹی آئی) کے 43 سابق ارکان قومی اسمبلی (ایم این ایز) کے استعفے منظور کرنے کا حکم معطل کرتے ہوئے ضمنی انتخابات روک دیئے تھے-

خیال رہے کہ یاد رہےکہ چند روز قبل بھی اسپیکر قومی اسمبلی راجہ پرویز اشرف نے پاکستان تحریک انصاف کے 34 اراکین قومی اسمبلی اور سابق وزیر داخلہ شیخ رشید کے استعفے منظور کیے تھے۔

اس کے علاوہ اسپیکر قومی اسمبلی نے جولائی 2022 میں بھی پی ٹی آئی کے 11 اراکین قومی اسمبلی کے استعفے منظور کیے تھے جس میں سے کراچی سے رکن قومی اسمبلی شکور شاد نے عدالت میں درخواست دائر کر کے اپنے استعفے کی درخواست واپس لے لی تھی۔

اسپیکر قومی اسمبلی نے 20 جنوری کو پی ٹی آئی کے مزید 35 ارکان کے استعفے منظور کیے تھے اب مزید 43 استعفوں کی منظوری کے بعد مجموعی طور پاکستان تحریک انصاف کے 123 اور شیخ رشید کا ایک استعفیٰ ملا کر 124 اراکین کے استعفے منظور ہو چکے ہیں۔