ُپی ٹی آئی کا جھوٹ: جس نیب پراسیکیوٹر کی تقرری پی ٹی آئی نے کی اسے شہباز کا مقرر کردہ قرار دے دیا

20 ستمبر کو پاکستان تحریک انصاف کے رہنما اور سابق وزیر اطلاعات چوہدری فواد حسین نے ٹویٹ کی کہ جب اسلام آباد ہائی کورٹ سیاست دان مریم نواز شریف کے خلاف کرپشن کیس کی سماعت کر رہی تھی تو وزیراعظم کی طرف سے مقرر کردہ پراسیکیوٹر اس حوالے سے پریشانی کا شکار تھے کہ وہ کس کی طرف سے پیش ہو رہے ہیں، قومی احتساب بیورو (نیب) یا ملزم کی طرف سے۔ واضح رہے کہ یہ پراسیکیوٹر بیرسٹر عثمان رشید چیمہ ہیں۔

خیال رہے کہ بیرسٹرعثمان رشید چیمہ کو پاکستان تحریک انصاف کے دور میں اینٹی کرپشن باڈی کا پراسیکیوٹر مقرر کیا گیا تھا۔ جبکہ ابتدائی طور پر، وکیل نے شہباز شریف اور ان کے خاندان کے خلاف منی لانڈرنگ کے کیس میں قومی احتساب بیورو کی نمائندگی کی۔ پھر جولائی 2021میں، عثمان رشیدچیمہ کو نیب کی طرف سے لیڈ وکیل اور پانچ رکنی پراسیکیوشن ٹیم کا سربراہ مقرر کیا گیا تاکہ ایون فیلڈ اپارٹمنٹس کیس میں مریم نواز شریف کی سزا کے خلاف دائر کی گئی اپیل کا جواب دے سکے۔

ایک نوٹی فکیشن کے مطابق اس کیس میں عثمان رشیدچیمہ کو بطور وکیل برقرار رکھا گیا، 2020 سے نہ تو اسے ڈی نوٹیفائی کیا گیا ہے اور نہ ہی دوبارہ تعینات کیا گیا ہے۔ لہذا فواد چوہدری کا یہ دعویٰ ہے کہ شہباز شریف نے بیرسٹر چیمہ کو ذمہ داریاں سونپی تھیں سراسر غلط ہے اور جھوٹ پر مبنی بات ہے. فواد چودھری نے صرف یہی جھوٹ نہیں بولا بلکہ وہ اس سے قبل بھی بھی کئی بار جھوٹ بول چکتے ہیں آپ کو یاد ہوگا کہ گزشتہ دنوں ایک امریکی شہری کی عمران خان سے ملاقات بارے بھی انہوں نے جھوٹ بولا تھا جبکہ عمران خان کے دنیا نیوز کو انٹرویو کے بعد فواد چودھری مکمل طور پر جھوٹے ثابت ہوگئے تھے.