پی ٹی آئی کی طرف سے اراکین سینیٹ کی تنخواہوں میں اضافے کے بل کی مخالفت ، اپوزیشن ناراض

اسلام آباد:پی ٹی آئی کی طرف سے اراکین سینیٹ کی تنخواہوں میں اضافے کے بل کی مخالفت ، اپوزیشن ناراض ،اطلاعات کےمطابق حکومتی جماعت پاکستان تحریک انصاف (پی ٹی آئی) نے اراکین سینیٹ کی تنخواہوں میں اضافے کے بل کی مخالفت کرنے کا اعلان کردیا۔

ذرائع کےمطابق تنخواہوں میں اضافے کی اس قراردار کے روح رواں سینیٹ میں ن لیگ کی سب بڑی حامی جماعت نیشنل پارٹی کے سینیٹرڈاکٹراشوک کمار کی طرف سے سینیٹ میں اتحادی جماعتوں سے مشاورت کے بعد جمع کروائی گئی ،

سینیٹ ممبران کی تنخواہوں، الاؤنسز اور مراعات ایکٹ میں ترمیم کے تین بلز سینیٹ ایجنڈا میں شامل کرلیے گئے جو پیر کو سینیٹ میں پیش کیے جائیں گے۔یہ بلزڈاکٹر اشوک کمار، سینیٹر نصیب اللہ بازئی، سجاد حسین توری، دلاور خان، اور دیگراپوزیشن سینیٹرز کی جانب سے جمع کرائے گئے ہیں۔

اس ضمن میں پی ٹی آئی رہنما سینیٹر فیصل جاوید کا کہنا ہے کہ تحریک انصاف سینیٹرز کی تنخواہوں میں اضافے کی کوششوں کی مخالفت کرے گی۔فیصل جاوید نے کہا کہ تحریک انصاف ارکان سینیٹ کی تنخواہوں میں اضافے کے بل کی مخالفت کرے گی کیونکہ وزیراعظم عمران خان نے قومی وسائل کی بچت کی ہدایات دے رکھی ہیں۔

انہوں نے کہا کہ وزیراعظم اور تحریک انصاف کی ترجیح عوام خصوصاً غریب طبقہ ہے اور قومی خزانے کو خود پر استعمال نہ کرنے کی ابتداء وزیراعظم نے خود سے کی ہے لہذا ملکی معیشت مستحکم ہونے تک عوامی نمائندوں کو بھی وزیراعظم کی تقلید کرنی چاہیے۔