لاہور: پاکستان تحریک انصاف (پی ٹی آئی) رہنما سابق صوبائی وزیرشوکت یوسفزئی کو اشتہاری قراردے دیا گیا۔
باغی ٹی وی: شانگلہ کی مقامی عدالت نے شوکت یوسفزئی کواشتہاری قرار دیتے ہوئے ان کے خلاف درج ایف آئی آر میں مزید دفعات شامل کی گئی ہیں،اشتہاری قرار دئیے جانے کے بعد شانگلہ پولیس شوکت یوسفزئی کی گرفتاری کے لیے چھاپے مار رہی ہے،ان کے آبائی گاؤں بشام سمیت پشاور کی رہائش گاہ سمیت کئی جگہوں پر بھی چھاپے مارے جا چکے ہیں۔
پی ٹی آئی کے انٹرا پارٹی الیکشن میں عدم موجودگی کے باعث شوکت یوسفزئی کی گرفتاری عمل میں نہ لائی جاسکی، ان کے خلاف21 نومبرکو دفعہ 109کے تحت مقدمہ درج کیا گیا تھا شوکت یوسفزئی کیخلاف درج ایف آئی آر میں188۔186۔147۔109۔506 اور149 کی مزید دفعات شامل کی گئی ہیں۔
