تحریک انصاف سندھ کے رہنماؤں میں پھوٹ پڑگئی

تحریک انصاف اختلافات کا شکار,تحریک انصاف سندھ کے رہنماؤں میں پھوٹ پڑگئی

پی ٹی آئی سندھ کے جنرل سیکریٹری مبین جتوئی اپنے عہدے سے مستعفیٰ ہو گئے، مبین جتوئی نے استعفی صدر پی ٹی آئی سندھ حلیم عادل شیخ سے اختلافات کی بنا پر دیا ،مبین جتوئی نے اپنا استعفیٰ سیکریٹری جنرل عمر ایوب کو بھیج دیا،مبین جتوئی کا کہنا ہے کہ حلیم عادل شیخ من مانے فیصلہ کررہے ہیں، کسی فیصلے میں مشاورت نہیں کی جارہی،جنرل سیکریٹری کو مشاورت کے عمل میں شامل نہ کرنا پارٹی آئین کی خلاف ورزی ہے،آئین میں واضح لکھا ہے کہ پارلیمانی بورڈ جنرل سیکریٹری نوٹیفائی کرے گا، حلیم عادل شیخ کی جانب سے پارٹی کے سینئر اور مختلف عہدوں پر خدمات دینے والوں کو نظر انداز کیا جارہا ہے، چیئرمین عمران خان کا مشکور ہوں جنہوں نے اعتماد کیا، پارٹی کے لیے ذاتی حیثیت میں اپنی خدمات پیش کرتا رہوں گا،

عمران خان کی گرفتاری کے بعد جلاؤ گھیراؤ اور ہنگامہ آرائی کے بعد سے تحریک انصاف کے رہنماؤں کے پارٹی چھوڑنے کا بھی سلسلہ جاری ہے، کراچی سے بھی تحریک انصاف کے رہنما پارٹی چھوڑ رہے ہیں یہاں تک کہ سابق گورنر سندھ عمران اسماعیل اور عمران خان کے قریبی علی ذیدی بھی پارٹی چھوڑ چکے ہیں اور نئی پارٹی استحکام پاکستان پارٹی میں شامل ہو چکے ہیں،

دوسری جانب صدر تحریک انصاف سندھ حلیم عادل شیخ کا کہنا ہے کہ اپنے تمام منتخب چئیرمینز ریزرو سیٹس پر کونسلر کوحافظ نعیم الرحمن کوووٹ دینے کی واضح ہدایات کردی ووٹ نہ دینے یاغیرحاضررہنے والے چئیرمینز کے خلاف کارروائی ہوگی اور ڈی سیٹ کردیا جائے گا

"استحکام پاکستان پارٹی” نام سے متعلق عون چودھری کی وضاحت

چھینہ گروپ بھی استحکام پاکستان پارٹی میں شمولیت اختیار کرنے کو تیار

جہانگیرترین کی پارٹی کا نام الیکشن میں رجسڑیشن سے پہلے ہی الیکشن کمیشن اور اعلی عدلیہ میں چیلنج

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

 ریاست مخالف پروپیگنڈے کوبرداشت کریں گے نہ جھکیں گے۔

استحکام پاکستان پارٹی کی پریس کانفرنس، فواد چودھری "منہ” چھپاتے رہے، تصاویر وائرل