داخلے کے خواہشمندوں کے لیے اہم خبر ! پنجاب یونیورسٹی نے داخلے کیلئے میرٹ لسٹوں کا شیڈول جاری

لاہور : داخلے کے خواہشمندوں کے لیے خوشخبری ، اطلاعات کے مطابق پنجاب یونیورسٹی میں داخلوں کی میرٹ لسٹوں کا شیڈول جاری کردی ، پنجاب یونیورسٹی شیڈول کے مطابق ایم اے میں داخلوں کی پہلی میرٹ لسٹ 2 ستمبر جبکہ ایم فل اور پی ایچ ڈی میں داخلوں کی میرٹ لسٹ 4 ستمبر کو جاری ہوں گی۔

ذرائع کے مطابق پنجاب یونیورسٹی میں داخلوں کی میرٹ لسٹیں شعبہ جات کے نوٹس بورڈز اور آن لائن سسٹم کے تحت جاری کی جائیں گی۔ ایم فل و پی ایچ ڈی میں داخلوں کی پہلی میرٹ لسٹ 4 ستمبر کو آویزاں ہوں گی جبکہ پنجاب یونیورسٹی میں ایم فل ، ایم ایس، پی ایچ ڈی میں داخلوں کی لسٹیں آن لائن بھی جاری ہوں گی۔ داخلوں کی دوسری میرٹ لسٹ 9 ستمبر کو آویزاں کی جائے گی۔

اسی طرح ذرائع کے مطابق پنجاب یونیورسٹی میں ایم اے میں داخلوں کی پہلی میرٹ لسٹ 2 ستمبر جبکہ دوسری میرٹ لسٹیں 5 ستمبر کو جاری ہوں گی۔ ایم اے مارننگ، ایوننگ، ریلیکس اور سیلف سپورٹنگ پروگرام میں داخلوں کی لسٹ ایک ہی روز جاری ہوگی۔