پبلک ٹرانسپورٹ میں گیس سلینڈر لگانے پر پابندی

بستی ملوک(نمائندہ باغی ٹی وی ) پبلک ٹرانسپورٹ میں اوگرہ کی جانب سے LPG/CNGسلنڈرزپر پابندی کے بعد موٹروے پولیس نے بھر پور کاروائی کا آغاز کر دیا ڈی ایس پی موٹروے ملک احسان الحق،ایڈ آفیسر موٹروے پولیس شفیق اشرف قیصرانی نے میڈیا کو LPG/CNGسلنڈرزکے بارے میں بریفینگ دیتے ہوئے کہا کہ ہمہ قسم کی پبلک ٹرانسپورٹ جنہوں نے گاڑی میں گیس سلنڈرنصب کئے ہوئے ہے کو موٹروے پر سفر کرنے کی ہرگز اجازت نہیں دی جارہی ان کو فوری بھاری جرمانے کئے جارہے ہیں اور موٹروے سے واپس بھیجاجارہا ہے ان کا مزید کہنا تھا کہ اوگرا نے LPG/CNGسلنڈرز کو پبلک ٹرانسپورٹ میں ممنوع قرار دے دیا ہے اور قانون پر عمل درآمد کروانے کے لئے موٹروے پولیس کاروائی میں مصروف ہے اس کاروائی کا مقصد گیس سلنڈر کی وجہ سے ہونے والے حادثات کو روکنا ہے کیونکہ شہریوں کی جان مال کی حفاظت موٹروے پولیس کی ذمہ داری میں شامل ہے جس پر کسی قسم سمجھوتا نہیں کیا جاسکتا ۔ رانا اظہر منیر نمائندہ باغی ٹی وی ملتان شجاع آباد