الیکشن کمیشن نے پنجاب اسمبلی اراکین کے اثاثوں کی تفصیلات جاری کردیں
الیکشن کمیشن کے مطابق وزیراعلیٰ پنجاب حمزہ شہباز 41 کروڑ 43 لاکھ روپے کے اثاثوں کے مالک ہیں ،وزیراعلیٰ پنجاب نے 13 کروڑ 64 لاکھ روپےکے 11 رہائشی گھر ظاہر کیے ،وزیراعلیٰ پنجاب حمزہ شہباز کی 3 زرعی زمین کی مالیت 3 کروڑ 97 لاکھ روپےہے ،وزیراعلیٰ پنجاب حمزہ شہباز نے خود کو 9 کروڑ 71 لاکھ روپے کا مقروض ظاہر کیا ،وزیراعلیٰ پنجاب حمزہ شہباز کی پہلی اہلیہ 50 لاکھ روپے کے اثاثوں کی مالک ہیں وزیراعلیٰ پنجاب حمزہ شہباز کی دوسری اہلیہ 3 کروڑ 74 لاکھ روپے کے اثاثوں کی مالک ہیں ،
سابق وزیراعلیٰ پنجاب عثمان بزدار 5 کروڑ 80 لاکھ روپےسے زائد اثاثوں کے مالک ہیں، سابق صوبائی وزیر علیم خان ایک ارب 70 کروڑ روپےسے زائد اثاثوں کے مالک ہیں سابق صوبائی وزیر مراد راس 38 لاکھ روپے کے اثاثوں کے مالک ہیں پی ٹی آئی کے میاں محمود الرشید 18 کروڑ روپےسے زائد کے اثاثوں کے مالک ہیں، اسپیکر پنجاب اسمبلی پرویز الہٰی 23 کروڑ 14 لاکھ روپے کے اثاثوں کے مالک ہیں پرویز الہٰی نے 6کروڑ 78 لا کھ رو پے مالیت کی غیر زرعی زمین ظاہر کی اسپیکر پنجاب اسمبلی پرویز الہٰی نے فلور مل کی مالیت 99 لاکھ روپے ظاہر کی رکن پنجاب اسمبلی حنا پرویز بٹ نے 9 کروڑ 94 لاکھ روپےکے اثاثے ظاہر کیے رکن پنجاب اسمبلی حنا پرویز بٹ نے 2 گھر ظاہر کیے جوتحفے میں ملے ہیں حنا پرویز بٹ نے تحفے میں ملنے والے گھروں کی مالیت ظاہر نہیں کی رکن پنجاب اسمبلی ثانیہ عاشق نے 35 لاکھ مالیت کے اثاثے ظاہر کیے، رکن پنجاب اسمبلی عظمٰی بخاری 24 لاکھ روپے مالیت کی اثاثوں کی مالک ہیں، رکن پنجاب اسمبلی عظمٰی بخاری کے پاس 70 تولے سونا بھی ہے ، ڈپٹی ا سپیکر پنجاب اسمبلی دوست مزاری 2 کروڑ سے زائد روپے کےاثاثوں کے مالک ہیں سابق وزیر صحت یاسمین راشد 2 کروڑ روپے سے زائد مالیت کے اثاثوں کی مالک ہیں، اپوزیشن لیڈر پنجاب اسمبلی سبطین خان نے زرعی اراضی کی مالیت ظاہر نہیں کی، صوبائی وزیر اویس لغاری 44 کروڑ روپےکے اثاثوں کے مالک ہیں
