لاہور: پنجاب حکومت نے ایسٹر پر 10 ہزار مسیحی خاندانوں کی کفالت کا فیصلہ کیا ہے۔
باغی ٹی وی : تفصیلات کے مطابق پنجاب حکومت نے مسیحی خاندانوں کو ایسٹر کیلئے 5 کروڑ کی گرانٹ جاری کردی ہے، وزیراعلیٰ پنجاب مریم نواز نے تمام اضلاع کی انتظامیہ کو ایسٹر گرانٹ کی تقسیم یقینی بنانے کی ہدایت کی ہے، منصوبے کے مطابق اضلاع کے 10 ہزار مسیحی خاندانوں کو 5 ہزار فی کس دئیے جائیں گے۔
وزیراعلیٰ نے مستحق مسیحی افراد کو گرانٹ کی تقسیم 4 روز میں مکمل کرنے کا حکم دیا ہے، وزیراعلیٰ نے راحیلہ خادم حسین کو ایسٹر گرانٹ کی تقسیم کیلئے فوکل پرسن نامزد کیا ہے اور مائنارٹی ونگ پنجاب کو ایسٹر گرانٹ کی تقسیم کی مانیٹرنگ کی ہدایت کردی گئی ہے۔
