پنجاب حکومت نے نئے بجٹ کی تیاری شروع کر دی،عوام کو ریلیف دینے کی ہدایت

پنجاب حکومت نے بجٹ کی تیاری شروع کر دی، وزیر اعلی پنجاب حمزہ شہباز کی زیر صدارت اجلاس منعقد کیا گیا جس میں نئے مالی سال کے بجٹ اور سالانہ ترقیاتی پروگرام کے خدوخال کا جائزہ لیا گیا

اجلاس سے خطاب کرتے ہوئے وزیر اعلی پنجاب حمزہ شہبازنے ہدایت کی کہ نئے بجٹ میں عام آدمی کو زیادہ سے زیادہ سہولتیں دینے پر فوکس کیا جائے تاکہ کم وسیلہ طبقات کو زیادہ سے زیادہ ریلیف مل سکے.

حمزہ شہباز کا کہنا تھا کہ نیا بجٹ حقیقی معنوں میں غریب پرور ہونا چاہیے،عام آدمی پر کسی قسم کا بوجھ نہیں ڈالا جائے گا،وزیر اعلی نے ہدایت کی کہ آوٹ آف باکس اقدامات کرکے عام آدمی کی مشکلات کو کم سے کم کرنے کے اقدامات تجویز کئے جائیں۔

اجلاس کے دوران وزیر اعلی حمزہ شہباز نے جنوبی پنجاب کے لئے فنڈز بڑھانے کی بھی ہدایت کرتے ہوئے کہا کہ جنوبی پنجاب کے عوام کی فلاح وبہبود کیلئے زیادہ سے زیادہ وسائل مختص کئے جائیں۔وزیر اعلی حمزہ شہباز نے نئے مالی سال کے بجٹ اور ترقیاتی پروگرام کی تجاویز کو جلد حتمی شکل دینے کی ہدایت کی. اجلاس کے دوران منتخب نمائندوں اور اقتصادی ماہرین پر مشتمل اعلی سطح کی کمیٹی تشکیل دیئے کی بھی ہدایت کی گئی ،کمیٹی حتمی سفارشات وزیر اعلی حمزہ شہباز کو پیش کرے گی

اجلاس میں اراکین پنجاب اسمبلی عبدالعلیم خان، سردار اویس لغاری، میاں مجتبی شجاع الرحمن ، خواجہ عمران نذیر، ذیشان رفیق، مسلم لیگ ن کے رہنما عطا تارڑ، چیرمین پلاننگ اینڈ ڈویلپمنٹ، پرنسپل سیکرٹری وزیر اعلی اور متعلقہ حکام نے شرکت کی.