پنجاب میں بڑے پیمانے پر پولیس افسران کے تبادلے اور تقرریاں ،نوٹیفیکیشن جاری

لاہور: آئی جی پنجاب پولیس عثمان انور نے پنجاب میں بڑے پیمانے پر پولیس افسران کے تبادلے اور تقرریاں کرنے کا نوٹیفکیشن جاری کرد یا۔

باغی ٹی وی: نوٹیفکیشن کےمطابق کیپٹن ریٹائرڈ عامرخان نیازی کو ایس ایس پی آپریشنز راولپنڈی جبکہ محمدعمران کو ایس ایس پی آپریشنز ملتان تعینات کردیا گیا جبکہ عزیز احمد کو ایس پی انویسٹی گیشن رحیم یارخان اور ضیا اللہ کو ایس پی انویسٹی گیشن سیالکوٹ جبکہ انعم فریال کو ایس پی انویسٹی گیشن سرگودھا تعینات کیا گیا۔

آئی جی پنجاب کی جانب سے جاری نوٹیفکیشن کے مطابق خالد محمود تبسم کو ایس پی انویسٹی گیشن شیخوپورہ اور سید علی کو ایس ایس پی انویسٹی گیشن گوجرانوالہ تعینات کیا گیا ہے اسی طرح ارسلان زاہد کو ایس پی صدر ملتان، محمد نبی کو ایس پی صدر راولپنڈی تعینات کیا گیا ہے۔

نوٹیفکیشن کے تحت ایس پی سکیورٹی فیصل سلیم کو ایس پی راول ٹاؤن تعینات کیا گیا ہے جبکہ عثمان منیر سیفی کو ایس پی سول لائنز گوجرانوالہ تعینات کیا گیا ہے جبکہ غیور احمد کو ایس پی سٹی گوجرانوالہ اور رضوان طارق کو ایس پی صدرگوجرانوالہ تعینات کیا گیا ہے جبکہ خالد رشید کو سی ٹی او فیصل آباد تعینات کیا گیا ہے۔