پنجاب میں مزدوروں کے لیے اہم پالیسیاں مرتب کرنے کا فیصلہ، وزیر اعلی پنجاب کی جانب سے خصوصی اجلاس طلب

وزیر اعلی پنجاب سردار عثمان بزدارکی زیر صدارت محکمہ محنت کی کارکردگی کا جائزہ لینے کے لئے خصوصی اجلاس۔محکمہ محنت کے زیر اہتمام لاہور میں لیبر ٹاور بنایا جائے گا۔
انڈسٹریل ورکرزکے لئے ہاسٹلزکے قیام کی تجویز کا جائزہ لینے کی ہدایت جاری کی گئی۔

پنجاب ایمپلائز سوشل سکیورٹی انسٹی ٹیوشنز(PESSI) اور پنجاب ورکرز ویلفیئر فنڈز کو سمارٹ آرگنائزیشن بنانے کا اصولی فیصلہ کیا گیا۔کامسٹ ڈیفنس لاہور میں محکمہ لیبر کی اراضی پر کیمپس قائم کرے گا۔

کامسٹ لیبر کیمپس میں 30 فیصد مزدوروں کے بچوں کو مفت تعلیم دی جائے گۓ محکمہ محنت کی 2ارب روپے مالیت کی اراضی قبضہ مافیا سے واگزار کرائی ہے-

شیخوپورہ اور کوٹ چھٹہ سمیت مختلف علاقوں سے مزدوروں کے 144فلیٹ قبضہ مافیا سے واگزارکرائے ہیں -پنجاب میں ورکر کی کم ازکم اجرت 20ہزار روپے کر دی گئی ہے-تحریک انصاف کی حکومت نے اڑھائی سال میں ورکر کی کم ازکم اجرت میں 5 ہزار روپے اضافہ کیا ہے-

لاہور اور مظفر گڑھ کے سوشل سیکورٹی ہسپتالوں میں عام آدمی کو بھی علاج معالجہ کی مفت سہولت فراہمی کی گئی ہے-لاہور میں لیبر کے لئے 720 فلیٹس کے پراجیکٹ کو جلد مکمل کرنے کا حکم جاری کردیا گیا۔چائلڈلیبر کے خاتمے کے لئے پائیدار اقدامات کئے جائیں –

تونسہ، سرگودھا اور فیصل آباد میں سوشل سیکورٹی ہسپتال بنائے جا رہے ہیں – ملتان کے خواجہ فرید سوشل سیکورٹی ہسپتال میں مزدوروں کے لئے کارڈیالوجی شعبہ قائم کیا گیا ہے – سوشل سیکورٹی کارڈز کے لئے 98 فیصد ادائیگیاں آن لائن کی جا رہی ہے –

میرج گرانٹ ایک لاکھ سے بڑھا کردو لاکھ روپے کی گئی ہے-ڈیتھ گرانٹ 5لاکھ روپے سے بڑھا کر6 لاکھ روپے کر دی گئی ہے – فیکٹریز کی رجسٹریشن کے لئے آن لائن فری سروس فراہم کی جا رہی ہے – اجلاس میں PESSI میڈیکل کالج اور نرسنگ سکول کے قیام کی تجویز کا جائزہ لیا گیا۔

سیکرٹری محنت کی محکمانہ کارکردگی اور ورکرز کو سہولتیں دینے کیلئے کئے گئے اقدامات پر تفصیلی بریفنگ دی گئی۔صوبائی وزیر محنت انصر مجید نیازی، پرنسپل سیکرٹری وزیر اعلی، سیکرٹری محنت، سپیشل مانیٹرنگ یونٹ کے سربراہ اور متعلقہ حکام کی اجلاس میں شرکت کی۔