پنجاب بھر کے 36 اضلاع میں قائم سی ای او آفس میں کام کرنے والے ملازمین کا فوری ڈیٹا فراہم کیا جائے ، نئے حکم نامے نے ہلچل مچادی

لاہور : پنجاب سکول ایجوکیشن ڈیپارٹمنٹ کی آنیاں جانیاں ویکھو ! کبھی طالب علموں کا ڈیٹا تو کبھی اساتذہ کا ڈیٹا بھیجنے کے احکامات ، لیکن تازہ حکم نامے میں کہا گیا ہےکہ محکمہ سکول ایجوکیشن نے ایجوکیشن اتھارٹیز کے دفتر میں کام کرنے والے ملازمین کا ڈیٹا ہیومن ریسورس مینجمنٹ سسٹم پر اپ لوڈ کرنے کی ہدایت کردی۔

فرشتہ قتل کیس، مرکزی ملزم پر فرد جرم عائد، ملزم نے جرم کے مرتکب ہونے سے انکار کردیا

ذرائع کے مطابق اس مراسلے میں کہا گیا ہے کہ پنجاب بھر کے 36 اضلاع میں قائم سی ای او آفس میں کام کرنے والے ملازمین کا فوری ڈیٹا فراہم کیا جائے۔ سکول ایجوکیشن نے ویب سائٹ کا پاس ورڈ سی ای او ایجوکیشن کو بھجوادیا ہے۔ 30 ستمبر تک ہیومن ریسورس مینجمنٹ سسٹم پر ہر صورت ڈیٹا اپ لوڈ کیا جائے۔

پنجاب سکول ایجوکیشن ڈیپارٹمنٹ نے خبردار کرتے ہوئے کہا ہےکہ 30 ستمبر کے بعد ویب سائٹ کو ڈیٹا اپ لوڈنگ کیلئے لاک کردیا جائے گا۔ ڈائریکٹر پبلک انسٹرکشن رانا عبدالقیوم کا کہنا تھا کہ ڈیٹا اپ لوڈ نہ کرنے والے ملازمین کی تنخواہ روک لی جائے گی۔