لاہور : محکمہ سکول ایجوکیشن نے اساتذہ کے لیے پروفائل اپ ڈیٹ نہ کرنے پر جرمانے کی سزادینے کا فیصلہ کرلیا ہے ، ذرائع کے مطابق محکمہ سکول ایجوکیشن نے حکمت عملی تیار کرلی اور فہرستں بنانا شروع کردیں۔
تفصیلات کے مطابق اساتذہ اپنی سروس کے متعلق تمام تر تفصیلات اپ ڈیٹ کرکے اپنی پروفائل بنائیں گے جس سے مستقبل میں اساتذہ کی ترقیاں، تنزلی اور اساتذہ کی کارکردگی کے نتائج اس سسٹم میں ہوں گے۔ محکمہ سکول ایجوکیشن کے مطابق اب تک چالیس ہزار ایسے اساتذہ ہیں جو ابھی تک اپنی پروفائل اپ ڈیٹ نہیں کرسکے۔
اس پروفائل کو اپ ڈیٹ نہ کرنے والے ساتذہ کے خلاف کارروائی ہوگی۔ محکمہ سکول ایجوکیشن پروفائل اپ ڈیٹ نہ کرنے والے اساتذہ کی فہرستیں بنانا شروع کردی ہیں۔ ذرائع کے مطابق اساتذہ کو متعدد بار آگاہ بھی کیا گیا جس کے باوجود ابھی تک 40 ہزار اساتذہ اپنا ڈیٹا آن لائن نہیں دے سکے۔
