پاکستان تحریک انصاف (پی ٹی آئی) نے پنجاب میں پارٹی کے تنظیمی معاملات چلانے کے لیے بنائی گئی کمیٹی میں ترمیم کر دی ہے، اختلافات کے بعد نیا نوٹیفکیشن جاری کر دیا گیا ہے۔
پارٹی ذرائع کے مطابق پنجاب تنظیم کی قیادت کے معاملے پر پی ٹی آئی مخمصے کا شکار ہو گئی تھی۔ دو روز قبل بنائی گئی ابتدائی کمیٹی پر پارٹی کے اندر سخت تحفظات اور اختلافات سامنے آئے تھے، خاص طور پر عالیہ حمزہ ملک کو شامل نہ کیے جانے پر شدید تنقید کی گئی تھی۔
نئے نوٹیفکیشن کے مطابق کمیٹی کے ارکان میں سلمان اکرم راجہ،عمر ایوب خان،عالیہ حمزہ ملک،احمد خان بچھر،میاں اکرم عثمان،رائے حسن نواز،عون عباس بپی، احمد چھٹہ اور ملک تیمورشامل ہیں.یہ نیا نوٹیفکیشن ایڈیشنل سیکرٹری جنرل پی ٹی آئی فردوس شمیم نقوی کی جانب سے جاری کیا گیا ہے۔
یاد رہے کہ 2 روز قبل بنائی گئی ابتدائی کمیٹی میں کچھ سینئر رہنماؤں کو شامل نہ کیے جانے پر اندرونی اختلافات شدت اختیار کر گئے تھے۔خاص طور پر عالیہ حمزہ ملک کی غیر شمولیت پر پارٹی کے اندرونی حلقوں میں ناراضی پائی گئی۔شدید ردعمل اور تنظیمی بے چینی کے بعد بالآخر مرکزی قیادت نے کمیٹی میں ترمیم کر دی۔
تجزیہ کاروں کے مطابق یہ ترمیم اس بات کی عکاسی کرتی ہے کہ پی ٹی آئی کو اندرونی سطح پر تنظیمی استحکام اور ہم آہنگی کے چیلنجز کا سامنا ہے، خاص طور پر پنجاب جیسے اہم صوبے میں جہاں سیاسی داؤ پیچ کی شدت سب سے زیادہ ہے۔مزید پیش رفت اور پارٹی کے اندرونی معاملات کی تفصیلات سامنے آنے کا امکان ہے۔
تمباکو کے خلاف آواز اٹھائیں، اور اپنے کل کو بچائیں۔تحریر:نورفاطمہ
مسجد الحرام میں جمعہ کی نماز، 15 لاکھ سے زائد عازمین کی شرکت
پی پی 52 ضمنی انتخاب: انتخابی مہم پر 30 مئی کی رات 12 بجے سے مکمل پابندی
وفاقی ترقیاتی بجٹ 2025-26، ایک ہزار ارب روپے مختص کیے جانے کا امکان
