پنجاب یونیورسٹی لاہور میں دو طلبہ گروپوں میں جھگڑے کے دوران فائرنگ سے ایک طالب علم زخمی ہوگیا۔
واقعے کے خلاف دوسرے گروپ کےطلبہ نے کیمپس پل پر احتجاج کرتے ہوئے سڑک بلاک کردی، کیپٹل سٹی پولیس آفیسر لاہور غلام محمود ڈوگر نے واقعے کا نوٹس لیتے ہوئے ایس پی اقبال ٹاؤن سے رپورٹ طلب کرلی۔
پنجاب یونیورسٹی کی ایک طلبہ تنظیم نے الزام لگایا کہ قوم پرست گروپ نے ہوسٹل میں گھس کر فائرنگ کی۔
طلبہ تنظیم نے واقعے کے خلاف نیو کیمپس پل پر جمع ہوکر احتجاج کیا اور روڈ بلاک کردی، اطلاع ملنے پر پولیس کی بھاری نفری موقع پر پہنچ گئی۔
سی سی پی او نے واقعے کا نوٹس لے لیا اور ملزمان کی فور ی گرفتاری کا حکم دیتے ہوئے ہدایت کی کہ سی سی ٹی وی کیمروں کی مدد سے ملزمان کی گرفتاری یقینی بنائی جائے۔سی سی پی او غلام محمود ڈوگر کی سینئر پولیس افسران کو دھرنے کے مقام پر پہنچنے اورحالات کنٹرول کرنے کی ہدایت کی.
سی سی پی اولاہورغلام محمود ڈوگرنے طالب علم پر فائرنگ کے واقعے کی مکمل تحقیقات عمل میں لا رہی ہے،فائرنگ میں ملوث ملزمان کی گرفتاری کے لئے تمام وسائل بروئے کار لائیں گے، کسی بھی شخص کو قانون ہاتھ میں لینے، شہر کا امن متاثر کرنے کی ہرگز اجازت نہیں.
