مسلم لیگ ن لاہور کے نائب صدر میاں ذوالفقار راٹھور کی کی مسلم لیگ میں شمولیت
چوہدری شجاعت حسین اور چوہدری پرویز الہٰی کی قیادت پر اظہار اعتماد
مسلم لیگ کے دروازے سب کیلئے کھلے ہیں شامل ہونے والوں کا فراخدلی سے استقبال کرینگے،سینیٹر کامل علی آغا
لاہور(باغی ٹی وی )مسلم لیگ ن لاہور کے نائب صدر میاں ذوالفقار راٹھور نے اپنے ساتھی محمد ارشد نعیم کے ہمراہ پاکستان مسلم لیگ پنجاب کے جنرل سیکرٹری سینیٹرکامل علی آغا سے ملاقات کی اور چوہدری شجاعت حسین اور چوہدری پرویز الہٰی کی قیادت پر اعتماد کا اظہار کرتے ہوئے پاکستان مسلم لیگ میں شمولیت کا اعلان کیا،
اس موقع پر مسلم لیگی رہنما ناصر اقبال خاں بھی موجود تھے۔اس موقع پر میاں ذوالفقار راٹھورنے کہا کہ چوہدری پرویز الہٰی کے دور حکومت میں 1122جیسے بے شمار عوامی فلاحی منصوبے جاری ہوئے جن کی عوام آج بھی تعریف کرتے ہیں اور پرویز الہٰی صاحب کا دور دوبارہ دیکھنے کے خواہشمند ہیں
انہوں نے کہا کہ ہم سمجھتے ہیں کہ پاکستان مسلم لیگ چوہدری شجاعت حسین اور چوہدری پرویز الہٰی کی قیادت میں واحد جماعت ہے جو قائداعظمؒ کے اصولوں پر چل کر پاکستان کی ترقی اور سلامتی کی ضامن ہے اس موقع پرسینٹرکامل علی آغا نے گفتگو کرتے ہوئے کہا کہ پاکستان مسلم لیگ ہی پاکستان کی خالق جماعت ہے مسلم لیگ کے دروازے سب ساتھیوں کیلئے کھلے ہوئے ہیں ہم نئے شامل ہونے والوں کا فراخدلی سے استقبال کرینگے ان کی شمولیت سے مسلم لیگ فعال و مضبوط ہوگی، پاکستان مسلم لیگ ہی ملک کی خالق جماعت ہے اور یہ ہی ملک کو مستحکم، فعال اور مضبوط بنانے کیلئے اپنا کردار ادا کرے گی۔
انہوں نے کہا کہ نئے شامل ہونے والے پارٹی میں شامل ہوکر خدمات سرانجام دیں۔اورپاکستان مسلم لیگ کا پیغام محبت پہنچائیں اور زیادہ سے زیادہ لوگوں کو پاکستان مسلم لیگ میں شامل کرکے بلدیاتی انتخابات کی تیاریوں کا آغاز کریں مسلم لیگ پنجاب میں ہر سطح پر بلدیاتی انتخابات میں بھر پور طریقہ سے شرکت کرے گی
