قائد اعظم نے کبھی اصولوں پر سمجھوتہ نہیں کیا تھا، ڈپٹی چیئرمین سینیٹ

ڈپٹی چیئرمین سینیٹ سلیم مانڈوی والا نے کہا ہے کہ قائد اعظم نے کبھی اصولوں پر سمجھوتہ نہیں کیا،

باغی ٹی وی کی رپورٹ کے مطابق ڈپٹی چیئرمین سینیٹ سلیم مانڈوی والا نے بانی پاکستان قائد اعظم محمد علی جناح کی برسی پر پیغام میں کہا کہ قائد اعظم پاکستان کو ایک جدید اور ترقی یافتہ ملک دیکھنا چاہتے تھے،قائد اعظم نے واضح کہا تھا کہ پاکستان  میں ہر شخص کو مذہبی اورشخصی آزادی حاصل ہے،پاکستان کشمیری عوام کے ساتھ شانہ بشانہ کھڑا ہے،

عثمان بزدار نے بانی پاکستان قائد اعظم محمد علی جناح ؒکے یوم وفات پر پیغام میں کہا کہ آج ہم قائداعظم محمد علی جناح کی وجہ سے آزاد قوم ہیں،بانی پاکستان محمد علی جناحؒ ایک بااصول، انصاف پسند اور جرأت مند مدبر تھے،

وزیراعلیٰ پنجاب کا مزید کہنا تھا کہ تحمل،برداشت اوررواداری پر مبنی پرامن معاشرے کا قیام بانی پاکستان محمد علی جناحؒ کا خواب تھا،قائداعظم ؒکے فرمودات پر عمل پیرا ہو کر پاکستان کو تمام بحرانوں سے نجات دلائی جا سکتی ہے

وزیراعلی سندھ سید مراد علی شاہ ٰاور گورنر سندھ عمران اسماعیل نے مزار قائد پر حاضری دی ہے ،مزار قائد پر حاضری دیتے ہوئے وزیر اعلیٰ سندھ کا کہنا تھا کہ مسئلہ کشمیر پر پوری قوم ایک ہے ،پاکستان قائد اعظم کی مدبرانہ صلاحیتوں کا ثمر ہے،پوری قوم کشمیر کے ساتھ کھڑی ہےاور ہمیشہ ساتھ ہو گی ،گورنر سندھ کا کہنا تھا کہ دنیا بھر میں مسئلہ کشمیر کو اجاگر کررہےہیں ،پاکستان کو پر امن بنانے کیلیے سب کو کردار ادا کرنا ہو گا،پاکستان کی حمایت ہمیشہ کشمیری بھائیوں کے ساتھ رہے گی

واضح رہے کہ بانی پاکستان قائداعظم محمد علی جناح کا آج یوم وفات ہے ،برصغیرکے مسلمانوں کے قائد ، جنہیں‌ قائداعظم محمد علی جناح کے نام سے تاریخ یاد رکھے گی 11 ستمبر 1948 کو اپنے خالق حقیقی سے جاملے تھے