ڈپٹی اسپیکر قومی اسمبلی قاسم خان سوری نے جمعرات کے روز گلگت بلتستان کے نو منتخب اسپیکر سید امجد علی زیدی سے ملاقات کی ہے. انہوں نے ملاقات میں ملک کی مجموعی معاشی اور سیاسی صورتحال سمیت باہمی دلچسپی کے اہم امور پر تبادلہ خیال کیا ہے.
ڈپٹی اسپیکر قومی اسمبلی قاسم خان سوری نے کہا کہ ماضی میں گلگت بلتستان کے ساتھ کی جانے والی ناانصافیوں کا ازالہ کر کے عوام کے احساس محرومی کا خاتمہ کیا جائے گا۔ انہوں نے کہا کہ وفاقی حکومت عمران خان کی قیادت میں گلگت بلتستان کی ترقی اور خوشحالی کے لیے ترجیحی بنیادوں پر اقدامات اٹھا رہی ہے.
ڈپٹی اسپیکر قومی اسمبلی قاسم خان سوری نے کہا کہ کسی بھی قانون ساز ادارے میں پریذائیڈنگ آفیسر کا کردار انتہائی اہمیت کا حامل ہوتا ہے، پریذائیڈنگ آفیسر کی نظر میں ایوان میں موجود تمام اراکین مساوی حیثیت رکھتے ہیں
ڈپٹی اسپیکر قومی اسمبلی نے کہا کہ موجودہ حکومت گلگت بلتستان کی ترقی اور خوشحالی کے لیے پر عزم ہے. انہوں نے کہا کہ وفاقی حکومت عمران خان کی قیادت میں گلگت بلتستان کی ترقی اور خوشحالی کے لیے ترجیحی بنیادوں پر اقدامات اٹھا رہی ہے. انہوں نے کہا کہ گلگت بلتستان قدرتی حسن سے مالا مال ہے جسے بروئے کار لا کر گلگت بلتستان کی ترقی میں بے پناہ اضافہ کیا جا سکتا ہے. انہوں نے کہا کہ سیاحت کا شعبہ گلگت بلتستان کے عوام کی خوشحالی میں اہم کردار ادا کر سکتا ہے.
انہوں نے کہا کہ ماضی میں گلگت بلتستان کے ساتھ کی جانے والی ناانصافیوں کا ازالہ کر کے عوام کے احساس محرومی کا خاتمہ کیا جائے گا. انہوں نے کہا کہ گلگت بلتستان کے نو منتخب اراکین اسمبلی اور اسٹاف کو اپنی استعداد کار کو بڑھانے کے لیے پارلیمنٹری سروسز پپس سے استفادہ کرنے کی ضرورت ہے. انہوں نے امجد علی زیدی کو اسپیکر گلگت بلتستان اسمبلی کا عہدہ سنبھالنے پر مبارکباد بھی دی ہے.
گلگت بلتستان کے اسپیکر امجد علی زیدی نے ڈپٹی اسپیکر قومی اسمبلی قاسم خان سوری کا شکریہ ادا کیا ہے اور گلگت بلتستان کی ترقی اور خوشحالی کے لیے ان کے جذبات کو سراہا ہے.
انہوں نے کہا کہ گلگت بلتستان میں حالیہ الیکشن 2020 کے بعد قائم ہونی والی پی ٹی آئی کی حکومت جی بی کے عوام کے اعتماد پر پورا اترنے کی کوشش کرے گی. انہوں نے کہا کہ وزیر اعظم عمران خان کے وژن کے مطابق گلگت بلتستان میں ترقی اور خوشحالی کے لیے ترجیحی بنیادوں پر اقدامات اٹھائے جائیں گے. انہوں نے کہا کہ گلگت بلتستان کو اللہ تعالیٰ نے بے پناہ قدرتی حسن سے مالا مال کیا ہے. انہوں نے کہا کہ سیاحت کے شعبے میں بنیادی ڈھانچے کی ترقی گلگت بلتستان کی عوام کے معیار زندگی کو بلند کرنے میں انتہائی اہمیت کی حامل ہے. انہوں نے کہا کہ گگت بلتستان میں جاری ترقیاتی منصوبوں کی بروقت تکمیل سے گلگت بلتستان میں معاشی ترقی کے اہداف حاصل کیے جا سکتے ہیں.
