قتل، ڈکیتی،اغواء سمیت دیگر سنگین جرائم میں ملوث بیرون ملک مفرور اشتہاری ملزمان کے خلاف گھیرا مزید تنگ کر لیا گیا
رحیم یار خان پولیس کو 5 افراد کے قتل کے مقدمہ میں مطلوب خطرناک اشتہاری عنایت اللہ ائیر پورٹ پر گرفتارکر لیا گیا، پنجاب پولیس نے اشتہاری عنایت اللہ کے کوائف پرویزنل نیشنل آئی ڈنٹیفیکیشن لسٹ (PNIL) میں شامل کروائے تھے۔ ملزم کو متحدہ عرب امارات روانگی سے قبل دوران چیکنگ ائیر پورٹ پر گرفتار کیا گیا ،مزید کاروائی کیلئے رحیم یار خان پولیس کے حوالے کر دیا گیا،
ترجمان پولیس کے مطابق اشتہاری عنایت اللہ 5 برس قبل تھانہ بی ڈویژن رحیم یار خان کے علاقہ میں ہونے والے 05 افراد کے قتل کے واقعہ کے مرکزی ملزمان میں شامل ہے ۔رحیم یار خان پولیس نے ملزم کا ریڈ وارنٹ بھی جاری کروایا تھا۔
آئی جی پنجاب نے اے کیٹیگری کے خطرناک اشتہاریوں کی گرفتاری کیلئے کریک ڈاؤن مزید تیز کرنے کی ہدایت کی اور کہا کہ سنگین جرائم میں ملزمان کو موثر فالو اپ اور انٹیلی جنس بیسڈ کاروائیوں سے پابند سلاسل کیا جائے ۔ایف آئی اے ، انٹرپول اور دیگر اداروں کے تعاون سے ان ملزمان کو گرفتار کرکے قرار واقعی سزائیں دلوائی جائیں۔ سپروائزری افسران سنگین جرائم میں ملوث اشتہاری کی گرفتاری کیلئے آپریشنز کی خود نگرانی کریں ۔
عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
اسلام آباد ہائیکورٹ نے شہباز گل ضمانت کیس کا تفصیلی فیصلہ جاری کردیا
