جسٹس قاضی فائز عیسیٰ نے کیسز مقرر کرنے کے طریقہ کار کا نوٹس لے لیا
جسٹس قاضی فائز عیسیٰ نے رجسٹرار سپریم کورٹ کو طلب کر لیا، جسٹس قاضی فائز عیسیٰ نے استفسار کیا کہ میرے بینچ کے سامنے 2021 کے کیسز کیوں لگائے ہیں؟کئی سا ل پرانے مقدمات کو چھوڑ کر نئے کیوں مقرر کیے جاتے ہیں میرے 2 رکنی بینچ کو کیوں تبدیل کیا گیا ؟گزشتہ روز کی لسٹ میں جسٹس حسن اظہر رضوی تھے،آج جسٹس یحییٰ آفریدی کے ساتھ بینچ بنایا گیا،
جسٹس قاضی فائز عیسیٰ نے حکم دیا کہ رجسٹرار تمام ریکارڈ لیکر15منٹ کے اندر پیش ہوں،مقدمات پہلے آئیں پہلے پائیں کے اصول کے مطابق مقرر کیوں نہیں ہوتے ؟ میں سائلین کو کیا جواب دونگا؟
رجسٹرار سپریم کورٹ عشرت علی اور ایڈیشنل رجسٹرار عدالت میں پیش ہو گئے سپریم کورٹ نے زیر التوا تمام پرانے مقدمات کا ریکارڈ طلب کر لیا،عدالت نے حکم دیا کہ مقدمات مقرر کرنے کا طریقہ کار بھی واضح کیا جائے، جسٹس قاضی فائز عیسٰی اور جسٹس یحیٰی آفریدی نے رجسٹرار کو ساڑھے 11 بجے دوبارہ طلب کر لیا
دوبارہ سماعت ہوئی تو جسٹس قاضی فائز عیسیٰ نے ریمارکس دیتے ہوئے کہا کہ کئی سال سے سپریم کورٹ میں پڑے مقدمات مقرر کیوں نہیں ہوتے،میرٹ کے بغیر مرضی کے مقدمات مقرر کر دیئے جاتے ہیں ،ہمارے سوالات کا جواب ایڈیشنل رجسٹرار دے رہے ہیں کیا چارج انکے پاس ہے، رجسٹرار بیچارے کو تو کچھ پتا ہی نہیں ہے،1999سے اپیلیں پڑی ہیں مگر 2021 کے مقدمات پہلے لگ رہے ہیں،عدالت نے مقدمات کی سماعت کے طریقہ کار پر دو فیصلے دیئے ہیں مجھ سمیت کوئی بھی جج کسی کیس کو پہلے مقرر کرنے کا کہے تو انکار کر دینا چاہیے،
جسٹس یحییٰ آفریدی نے ریمارکس دیتے ہوئے کہا کہ بظاہر آپ عدالتی فیصلوں کی خلاف ورزی کر رہے ہیں ایڈیشنل رجسٹرار کے مطابق تین تین مختلف کیٹیگری کی اپیلیں مقرر ہوتی ہیں،یہ تو کوئی طریقہ نہیں کہ مرضی کی اپیلیں مقرر کی جائیں،
شیخوپورہ سے ہمیں اسلام آباد لا کر چھوڑ دیا گیا، خاتون کی دکھ بھری کہانی
بڑے اسکولز میں کس طرح کے بگڑے بچے پڑھتے ہیں؟
فاٹا کے جرگوں میں لڑکیوں کے ساتھ کیا ہوتا ہے؟ 15 لاکھ میں ڈیل ڈن
مردانہ کمزوری کی حقیقت کیا؟ہم ایسے سوالات کیوں نہیں اٹھاتے؟
