قومی کرکٹرز کے سینٹرل کنٹریکٹس مزید التو کا شکار ، کب متوقع
باغی ٹی وی :قومی کرکٹ ٹیم کے کھلاڑیوں کے لیے اہم خبر آگئی کہ قومی کرکٹرز کے سینٹرل کنٹریکٹس کا معاملہ چل رہا ہے جس کا اعلان دورہ انگلینڈ سے قبل کیے جانے کا امکان ظاہر کیا جا ہے،
کرکٹر زکے سینٹرل کنٹریکٹ کی مدت 30 جون کو ختم ہو رہی ہے ، نئے سینٹرل کنٹریکٹ کا نفاذ یکم جولائی سے ہوگا جس میں کئی تبدیلیوں کے امکانات ہیں ۔
اطلاعات کے مطابق سینٹرل کنٹریکٹ کی اے کیٹیگری میں بابراعظم ، محمد رضوان اور شاہین شاہ آفریدی برقرار رہیں گے ۔ فواد عالم کی ترقی ، فہیم اشرف ، حسن علی اور عثمان قادر کو بھی کنٹریکٹ ملے گا ، اسد شفیق ،شان مسعود ، عثمان شنواری اور یاسر شاہ کی تنزلی کا امکان ہے ۔ سینٹرل کنٹریکٹ کیلئے محمد نواز ، عمران بٹ ، نعمان علی اور زاہد محمود کے نام بھی زیر غور ہیں ۔
