قومی ٹی ٹونٹی اسکواڈ ہملٹن سے نیپئر پہنچ گیا

باغی ٹی وی کی رپورٹ کے مطابق قومی ٹی ٹونٹی اسکواڈ ہملٹن سے نیپئر پہنچ گیا

اسکواڈ کچھ دیر قبل بذریعہ بس نیپئر پہنچا ،پاکستان اور نیوزی لینڈ کے درمیان تیسرا ٹی ٹونٹی میچ کل نیپئر میں کھیلا جائے گا،

قومی اسکواڈ کے اراکین آج مکمل آرام کریں گے اور کل کیویز کے خلاف آخری میچ کھیلیں گے۔ ٹی 20 سیریز میں نیوزی لینڈ نے پہلے دونوں میچ میں پاکستان کو باآسانی شکست دے کر سیریز میں 0-2 کی فیصلہ کن برتری حاصل کرلی ہے اور پاکستان کو سیریز میں کلین سوئپ سے بچانے کےلئے گرین شرٹس کو کل کا میچ جیتنا ہو گا۔

کپتان شاداب خان پہلے دو ٹی 20 ہارنے پر مایوس ہیں لیکن کہتے ہیں کہ کل کا میچ جیت کر سیریز کلین سوئپ سے بچالیں گے۔ واضح رہے کہ پاکستان اور نیوزی لینڈ کے درمیان تیسرا ٹی 20 کل پاکستانی وقت کے مطابق صبح 11 بجے شروع ہوگا۔