قومی ٹیم پر لگی پابندیاں ختم ، آزادی انجوائے کرنے لگے
باغی ٹی وی :نیوزی لینڈ میں موجود پاکستانی کرکٹرز مینجڈ آئسولیشن ختم ہونے پر خوش دکھائی دے رہے ہیں۔سوشل میڈیا سائٹ ٹوئٹڑ پر شاداب خان، اظہر علی اور دیگر نے سیلفیز شیئر کیں۔
شاداب نے اپنے ٹوئٹ میں لکھا کہ قرنطینہ کے بعد اب ہم آزادی سے اپنی زندگی جی رہے ہیں،سرفراز نے شاداب کا لنچ کروانے پر شکریہ بھی ادا کیا، اظہر علی نے باہر مداحوں کے ساتھ سیلفیز لیتے تصویریں شیئر کیں۔
نیوزی لینڈ میں موجود قومی اسکواڈ کی مینجڈ آئسولیشن ختم ہوگئی ہے۔ اسکواڈ میں شامل 52 اراکین کرائسٹ چرچ کے مقامی ہوٹل پہنچ گئے ہیں۔
الحمد لللہ
آپ کو دیکھ کر دل خوش ھو گیا شکر ھے ھمارے ھیروز آزاد ھوئے
الللہ پاک آپ سب کو سلامت رکھے اور بے شمار خوشیاں دے pic.twitter.com/eq9JetqwnM— ABBAS Mehar Fan Of @IsbUnited #Redhotsquad #Sherus (@WikiBah) December 8, 2020
قومی کرکٹ اسکواڈ میں شامل 52 اراکین کرائسٹ چرچ میں طویل مینجڈ آئسولیشن کے خاتمے کے بعد مقامی ہوٹل آئے جہاں سے کوئنز ٹاؤن روانہ ہوں گے۔ اسکواڈ میں شامل ایک رکن آکلینڈ سے آج کوئنز ٹاؤن پہنچ جائے گا۔ دوسرا رکن جمعرات کو کوئنز ٹاؤن میں موجود اسکواڈ کو جوائن کرے گا۔
کوئنز ٹاؤن پہنچنے پر قومی کرکٹ ٹیم اور پاکستان شاہینز کے اسکواڈز علیحدہ علیحدہ ہوٹلز میں قیام کریں گے۔
واضح رہے کہ پاکستان اور نیوزی لینڈ کے درمیان ٹی 20سیریز کا آغاز 18 دسمبر سے ہوگا۔ ٹی 20 سیریز کے لیے قومی ٹیم کے 18 رکنی اسکواڈ کا اعلان کیا جاچکا ہے جس کے کپتان بابر اعظم جب کہ نائب کپتان شادان خان ہوں گے، ٹی 20 ٹیم میں کی قیادت بابر اعظم اور نائب کپتان شاداب خان ہوں گے۔ سرفراز احمد اور حسین طلعت کی واپسی ہوئی ہے۔