کوئٹہ گلیڈی ایٹرز کو پی ایس ایل میں لگا دھچکا

کوئٹہ گلیڈی ایٹرز کو پی ایس ایل میں لگا دھچکا

باغی ٹی وی : کوئٹہ گلیڈی ایٹرز کو پی ایس ایل میں لگا دھچکا ، اہم کھلاڑی فاف ڈوپلیسی پی ایس ایل سے باہر ہوگئے،اس وجہ سے وہ فاف ڈوپلیسی آج ‏رات جنوبی افریقا واپس روانہ ہوجائیں گے۔

جنوبی افریقی کرکٹر فاف ڈوپلیسی پشاور زلمی کیخلاف میچ میں فیلڈنگ کے دوران سر پر چوٹ لگنے سے شدید زخمی ہوئے ‏تھے۔

پاکستان سپر لیگ میں پشاور زلمی کے خلاف میچ کے دوران کیچ تھامنے کی کوشش میں ڈوپلیسی ساتھی فیلڈر محمد حسنین کے گھٹنوں سے ٹکرا گئے تھے، جس کے بعد سر پر چوٹ کے اثرات کا جائزہ لے کر انھیں اسپتال لے جایا گیا جہاں پر ان کا اسکین ہوا۔

ڈوپلیسی کی اہلیہ اماری نے کہا کہ اس واقعے نے مجھے دہلا دیا ہے، پوری توقع ہے کہ ان کا اسپتال میں چیک اپ ہوگا۔ ڈوپلیسی اور اماری نے دیرینہ دوستی کے بعد 2013 میں شادی کی تھی، ان کے دوبچے امیلی اور زوئے بھی ہیں۔

یاد رہے کہ آج پی ایس ایل 6 کے اہم میچ میں کوئٹہ گلیڈی ایٹرز اور ملتان سلطانز کی ٹیمیں آمنے سامنے ہوں گی، گلیڈی ایٹرز ‏کے لیے آج کا میچ جیتنا لازمی ہے۔