کوئٹہ گلیڈی ایٹرز نے سرفراز احمد کو ڈرافٹ سے ریلیز کر دیا

کوئٹہ گلیڈی ایٹرز نےسرفراز احمد کو 9 برس بعد ریلیز کیا
sports

اسلام آباد: پاکستان سپر لیگ (پی ایس ایل) کی فرنچائز اور سابق چیمپئین کوئٹہ گلیڈی ایٹرز نے اپنے سابق کپتان سرفراز احمد کو ڈرافٹ سے ریلیز کر دیا۔

باغی ٹی وی: گزشتہ روز پی ایس ایل 10 کیلئے تمام 6 فرنچائزز نے ایونٹ کیلئے برقرار رکھے جانے والے کھلاڑیوں کے ناموں کا اعلان کیا جس میں کوئٹہ گلیڈی ایٹرز نے 8 کھلاڑیوں کو ریٹین کیا، کوئٹہ گلیڈی ایٹرز نےسرفراز احمد کو 9 برس بعد ریلیز کیا اور اب وہ پہلی مرتبہ ڈرافٹ کا حصہ بنیں گے۔

گلیڈی ایٹرز کی جانب سے برقرار رکھے گئے کھلاڑیوں میں ابرار احمد، محمد عامر( مینٹور)، رائلے روسو ( تینوں ڈائمنڈ ) اکیل حسین، سعود شکیل ( برانڈ ایمبیسڈر ) محمد وسیم جونیئر ( تینوں گولڈ ) خواجہ محمد نافع اور عثمان طارق (دونوں سلور ) شامل ہیں۔

شادی سے انکار کرنے پر 50 سالہ خاتون ڈاکٹر کا نوجوان پر تشدد،زبان کاٹ دی

پی ایس ایل 10 کا ڈرافٹ 11 جنوری کو ہوگا، پی ایس ایل کے دسویں ایڈیشن کیلئے 19 ممالک کے 510 کھلاڑیوں نے ڈرافٹ سائن کیا ہے، ایونٹ کا آغاز 8 اپریل سے ہوگا جو 19 مئی تک جاری رہے گا۔

واضح رہے کہ گزشتہ پی ایس ایل کے ایڈیشن میں فرنچائز کیلئے سرفراز احمد کی جگہ جنوبی افریقا کے رائلی روسو نے کپتانی سنبھالی تھی اور سرفراز احمد کیساتھ نامناسب رویہ اختیار کرتے ہوئے فرنچائز نے خاموشی سے انہیں کپتانی سے فارغ کردیا تھا۔

صدر آصف زرداری کا صائم ایوب کو فون،چوٹ کے بارے دریافت

Comments are closed.