رب کی محبّت…!!! بقلم:جویریہ بتول

رب کی محبّت…!!!
[بقلم:جویریہ بتول]۔
اُس پر رب کی محبّت حاوی ہے…
یہ جو کھیل تماشہ دنیاوی ہے…
یہ نشانی ہے ایمان والوں کی…
خلوص و وفا کے حوالوں کی…
یہ صورت نارِ ابراہیم ہے…
یہ صدائے موسیٰ کلیم ہے…
گواہ جس کا سرِ طور ہے…
دریا کی لہروں پر رواں…
"ان معی ربی” کا سرور ہے…
یہ اک خواہش ہے دیدار کی…
جنت کے باغ و بہار کی…
وہ بلال کی تپتی ریت پر…
جو لذت ہے پکار کی…
خباب کے ڈھلتے بدن کی…
جو تاریخ ہے مہکار کی…
ہجرت کی راہوں پر جو…
داستاں ہے محبّت و پیار کی…
طائف کی گھاٹیوں میں جو…
صدا لا الہ الا اللہ کے پرچار کی…
یہ سب محیطِ محبّتِ رب ہے…
ملے یہ محبّت تو پاس سب ہے…
دل کا چین،متاعِ حیات بھی…
دنیا کا سرور،سکونِ ممات بھی…
گرعملِ صالح سے یہ زندگی گزاری ہے…
توحید سے محبّت، رہی شرک سے بیزاری ہے…
رب بھی ایسے بندوں سے چاہتا ملاقات ہے…
نصیب ہو دیدارِرب،کیا ہی عظمت کی بات ہے…!!!
( فمن کان یرجو لقاء ربہ فلیعمل عملا صالحا و لا یشرک بعبادۃ ربہ احدًا¤ اَللّٰھُمَّ اِنَّا نَسأَلُکَ حُبَّکَ…🤲🏻)
==============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤