رابی پیر زادہ مصوری کے بعد رکشہ بھی چلانے لگیں

پاکستان کی سابق گلوکارہ رابی پیرزادہ نے رکشہ چلاکر سب کو حیران کردیا۔

باغی ٹی وی :رابی پیرزادہ نے گزشتہ برس شوبز سے کنارہ کشی کرنے اور اسلام کے اصولوں پر چلنے کا فیصلہ کیا تھا تب سے وہ اپنے فن کے ذریعے فنڈز جمع کررہی ہیں اس حوالے سے رابی پیرزادہ ایک آرگنائزیشن بھی متعارف کرواچکی ہیں۔

سابق گلوکارہ رابی پیرزادہ نے اپنے سوشل میڈیا اکاؤنٹس پر ایک ویڈیو شیئر کی ہے جس میں وہ رکشہ چلاتی ہوئی نظر آرہی ہیں۔

رابی پیرزادہ نے ویڈیو شئیر کرتے ہوئے پیغام لکھا الحمداللہ ہماری فاؤنڈیشن کا پہلا رکشہ۔ کبھی اپنی مرسڈیز چلا کر اتنی خوشی نہیں ہوئی جتنی اس کی ہے۔ اللہ ہمیں اور ہمت اور استطاعت دے لوگوں کی مدد کرنے کی۔

واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیںاور انہوں نے اپنی ایک فاؤنڈیشن بنا رکھی ہے جس کے بارے میں رابی کا کہنا ہے کہ میری فاؤنڈیشن کا مقصد لوگوں کو خیرات دینا نہیں بلکہ انہیں اپنے پاؤں پر کھڑا کرنا ہے اور انہیں انہی کی صلاحیتوں کی بنا پر اس معاشرے میں ایک مقام دیناہے-

جب گلوکاری چھوڑی تو لگا فن کے بغیر میں مر جاؤں گی رابی پیر زادہ