مریم نواز صاحبہ امید ہے آپ اپنے پاکستان کے ٹیلینٹ کو مایوس نہیں کریں گی ، رابی پیر زادہ نے مریم نواز سے امیدیں وابستہ کر لیں

اسلام کی خاطر شوبزی انڈسٹری سے کنارہ کشی اختیار کرنے والی رابی پیرزادہ نے پاکستان مسلم لیگ (ن) کی نائب صدر مریم نواز سے مدد کی اپیل کر دی۔

باغی ٹی وی : گذشتہ برس رابی پیر زادہ نے اسلام کی خاطر شوبز کو خیر باد کہہ دیا تھا جس کے بعد انہوں نے مصوری کا پیشہ اختیار کر لیا ہے جس سے آنے والی آمدنی سے وہ مستحق لوگوں کو مالی امداد فراہم کرتی ہیں تاہم اب انہوں نے پاکستان مسلم لیگ (ن) کی نائب صدر مریم نواز سے امیدیں باندھ لیں ہیں-

سماجی رابطے کی ویب سائٹ ٹوئٹر پر رابی پیرزادہ نےصاویر شئیر کیں جن میں وہ( ن) لیگ کی نائب صدر کا رنگین خاکہ بنارہی ہیں اور ان سے مدد کی اپیل بھی کررہی ہیں۔

ان تصاویر کے ساتھ رابی پیرزادہ نے ایک پیغام جاری کیا۔

اپنے پیغام میں رابی پیرزادہ نے مریم نواز کو مخاطب کرتے ہوئے لکھا کہ وہ غریب خاندانوں کی کفالت کرتی ہیں جن میں کچھ اسپیشل بچے بھی شامل ہیں۔

رابی پیرزادہ کا کہنا تھا کہ میں اپنی محنت سے جو پینٹنگ بناتی ہوں اسے لوگوں کی فلاح پر خرچ کرتی ہوں لیکن اس وقت کورونا کی وجہ سے لوگ بہت تکلیف میں ہیں آپ کی یہ پینٹنگ میں نے دن رات کی محنت سے بنائی ہے

انہوں نے کہا کہ اور یقین جانیں اس سے بہتر پینٹنگ کوئی نہیں بنا سکتا امید ہے آپ اپنے پاکستان کے ٹیلینٹ کو مایوس نہیں کریں گی۔

رابی پیر زادہ کی مریم نوز کی پینٹنگ بنانے پر ٹوئٹر صارفین کی جانب سے جہاں تعریف کی گئی وہیں چند صارفین نے تنقید بھی کی تنقید کرنے والوں کو جواب دیتے ہوئے رابی پیر زادہ نے کہا کہ ‏میرےجو بہن بھائی مریم صاحبہ کی تصویر بنانے پر اعتراض کر رہے ہیں، وہ یا تو یہاں آکر ان سب خاندانوں اور سپیشل بندوں کی مدد کریں، یا اپنا مشورہ اپنے پاس رکھیں –

رابی پیر زادہ نے مزید کہا کہ اگر آپ کو لگتا ہے کہ میں غریبوں کیلیے بھیک مانگ رہی ہوں تو ایسے ہی سہی اس پینٹنگ کا ایک روپیہ بھی میری ذات پر حرام ہے۔

رابی پیر زادہ نے ’ارطغرل غازی‘ کے مرکزی کردار ارطغرل کی پینٹنگ بنالی

رابی پیر زادہ کا نیا مسئلہ، رابی پیرزادہ کا اپنے اکاؤنٹ میں سے رقم چوری کئے جانے…