بالی ووڈ سپر اسٹار سلمان خان نے حال ہی میں اپنی آنے والی فلم رادھے کا ٹریلر جاری کیا تھا جسے شائقیمن کی جانب سے خوب پسند کیا گیا یہاں تک کہ ٹوئٹر پر ٹرینڈنگ فہرست میں رہا-

باغی ٹی وی : تاہم اب سلمان خان نے فلم کے ٹریلر کو پسند کرنے پر اپنے پرستاروں کا شکریہ ادا کیا اپنے تصدیق شدہ انسٹاگرام اکاؤنٹ پر سپر اسٹار سلمان خان نے لکھا کہ رادھے کے ٹریلر کو پسند کرنے پر آپکی محبتوں کا شکر گزار ہوں۔

بالی ووڈ سلطان نے اپنی پوسٹ میں اعلان کیا کہ رادھے کے ٹریلر کے بعد اس کے پہلے گانے، سیٹی مار پیر کو جاری ہوگا۔

انھوں نے مزید لکھا کہ اب کل سیٹی مار کے ساتھ ملیں گے۔

یاد رہے کہ سلمان خان کی آنے والی فلم ’رادھے: یور موسٹ وانٹڈ بھائی‘ کا ٹریلر باقاعدہ طور پر آئندہ جمعرات کو ریلیز ہوگا۔

واضح رہے کہ ایکشن سے بھرپور فلم’ رادھے‘ میں سلمان خان ڈرگ مافیا کو کنٹرول کرنے کے لئے لڑتے نظر آئیں گے۔ اداکار رندیپ ہودا فلم میں ولن کا کردار نبھا رہے ہیں جب کہ دیگر کاسٹ میں اداکارہ دیشا پٹانی اور جیکی شروف شامل ہیں۔

سلمان خان کی فلم ’رادھے‘ گذشتہ سال عید پر ریلیز کی جانی تھی تاہم کورونا کے باعث اسے ملتوی کیا گیا اور اب اس عیدالفطر کے موقع پر فلم 13 مئی کو ریلیز کی جائے گی۔

سلمان خان کی فلم ’رادھے‘ ٹریلر جاری ہوتے ہی ٹوئٹر پر ٹاپ ٹرینڈ

سلمان خان کی فلم ’رادھے‘ کے ٹریلر میں غلطی یا لاپراوہی؟ سوشل میڈیا پر نئی بحث کا آغاز