’رادھے، نےکورونا وبا میں بھی سنیما گھروں سے 60 ہزار بھارتی روپے کمالئے

بالی ووڈ سُپراسٹار سلمان خان کی فلم ’رادھے، یور موسٹ وانٹڈ بھائی‘ نے کورونا وبا میں بھی سنیما گھروں سے 60 ہزار بھارتی روپے کمائی کر لی-

باغی ٹی وی: سلمان خان کی فلم ’رادھے‘ کو عید پر کورونا کے باعث آن لائن اسٹریمنگ پلیٹ فارمز پر ریلیز کیا گیا تھا جبکہ یہ فلم کورونا لاک ڈاؤن کی وجہ سے صرف ایک بھارتی ریاست تریپورہ کے 3 سنیما گھروں میں ریلیز کی گئی۔

سنیما گھروں میں کورونا کرفیو کے باعث فلم کے روزانہ 11 شو ہورہے ہیں۔ رپورٹس کے مطابق فلم نے پہلے دن 10 ہزار 432 بھارتی روپے، دوسرے روز 22 ہزار 518 بھارتی روپے، تیسرے روز 13 ہزار 485 بھارتی روپے اور چوتھے روز بھی 13 ہزار 485 بھارتی روپے کا بزنس کیا۔

اس طرح 4 روز میں فلم ’رادھے‘ کی مجموعی کمائی 59 ہزار 920 بھارتی روپے رہی۔

دوسری جانب فلم شائقین کو متاثر کرنے میں ناکام رہی لیکن پر بھی ’رادھے‘ کو آن لائن پلیٹ فارم پر پہلے روز 40 لاکھ سے زائد بار دیکھا گیا جو کہ ایک منفرد ریکارڈ ہے۔