راحت فتح علی خان نے یوٹیوب پر بڑا اعزاز اپنے نام کر لیا

پاکستان کے عالمی شہرت یافتہ نامور گلوکار استاد راحت فتح علی خان نے یوٹیوب پر بڑا اعزاز اپنے نام کر لیا-

باغی ٹی وی : استاد راحت فتح علی خان پہلے پاکستانی فن کار بن گئے جن کے یُو ٹیوب پر 50 لاکھ سبسکرائبر ہوگئے ہیں جب کہ بھارت میں وہ اس دوڑ میں تیسرے نمبر پر ہیں-

پاکستان کے نامور گلوکار استاد راحت فتح علی خان یوٹیوپ پر 5 ملین سبسکرائبر پانے والے پہلے قومی فنکار بن گئے ہیں۔

اس حوالے سے راحت فتح علی خان کا کہنا تھا کہ میں اپنی کامیابیوں کو اپنے خاندان اور ٹیم کے نام کرتا ہوں اور اس میں سلمان احمد کی کاوشیں بھی شامل ہیں میں نئی نسل کا بھی بے حد مشکور ہوں جو سوشل میڈیا پر میرے گیتوں کو شہرت اور مقبولت کے آسمان پر پہنچا دیتے ہیں-

گلوکار نے کہا کہ مجھے یہ جان کر بے حد خوشی ہوئی ہے کہ یوٹیوب پر میرے چینل کے 50 لاکھ سبسکرائب ہوگئے ہیں۔

انہوں نے اس موقع پر استاد نصرت فتح علی خان کو یاد کرتے ہوئے کہا کہ وہ عظیم پاکستانی قوال، موسیقار اور گلوکار تھے میرے والد فرخ علی خان اور تایا مبارک علی خان اپنے وقت کے مشہور قوال تھے ہمارا خاندان 600 سال سے فنِ موسیقی کی خدمت کررہا ہے-

انہوں نے کہا کہ استاد نصرت فتح علی خان نے اپنی تمام عمر قوالی اور موسیقی کے فن کو فروغ دینےاور اسے مشرق و مغرب میں مقبول عام بنانے میں صرف کردی تھی موسیقی سے ہمارا خاندانی عشق ہے۔