سب ٹھیک ہے تو پھر راہول گاندھی کو کشمیر سے واپس کیوں بھیجا؟ کانگریس کا مودی سے سوال

بھارتی اپوزیشن لیڈر راہول گاندھی سمیت دیگر لیڈروں‌ کو سری نگر سے زبردستی واپس بھجوائے جانے پر ہندوستانی لیڈروں نے شدید ردعمل کا اظہار کیا ہے،

باغی ٹی وی کی رپورٹ کے مطابق راہول گاندھی و دیگر کو واپس بھجوائے جانے پر کانگریس نے ٹویٹ کرتے ہوئے مودی حکومت کو آڑے ہاتھوں‌ لیا اور کہا ہے کہ اگر جموں وکشمیرمیں حالات ٹھیک ہیں تومودی حکومت کیا چھپانے کی کوشش کررہی ہے؟ یہ ٹویٹ کانگریس کے آفیشیل اکاؤنٹ سے کی گئی ہے،

کانگریس کی طرف سے سوشل میڈیا سائٹ ٹویٹر پر لکھا گیا ہے کہ اگرحکومت کےدعویٰ کے مطابق جموں وکشمیرکی حالت ‘ٹھیک’ ہے، توراہل گاندھی کی قیادت میں اپوزیشن لیڈروں کےوفد کوسری نگرہوائی اڈے سے واپس کیوں بھیجا گیا ہے؟ مودی حکومت کیا چھپانے کی کوشش کررہی ہے’؟

کانگریس کی طرف سے سری نگر میں بھارتی پولیس کے ذریعہ اپوزیشن لیڈروں کے ساتھ کئے جانے والے سلوک کی بھی مذمت کی گئی ہے،