اداکارہ ماہرہ خان کی بالی وڈ ڈیبیو فلم ‘رئیس’ کے ڈائریکٹر راہول ڈھولکیا نے پاکستانی کرکٹرز کی بھارت آمد کے بعد اب پاکستانی فنکاروں کو بھی بھارت میں کام کرنے کی اجازت کے حوالے سے ایک اہم سوال پوچھ لیا۔راہول ڈھولکیا نے سماجی رابطے کی ویب سائٹ ایکس (ٹوئٹر) پر سوال کیا کہ ‘اب جبکہ پاکستانی کرکٹرز باضابطہ طور پر بھارت آگئے ہیں، تو کیا ہم پاکستانی اداکاروں کو بھی اپنی فلموں میں اداکاری کے لیے مدعو کر سکتے ہیں؟’
فلم ‘رئیس’ کے ڈائریکٹر راہول ڈھولکیا نے پوچھا کہ ‘کیا اداکاروں کے ساتھ ساتھ ہم پاکستانی موسیقاروں کو بھی بالی ووڈ فلموں میں پرفارم کرنے کے لیے مدعو کرسکتے ہیں؟’
”ان کی اس پوسٹ پر بہت سارے انڈینز نے ان کو برا بھلا کہا لیکن ایسے کمنٹس بھی دیکھنے کو ملے جو واقعتا پاکستانی فنکاروں کی بھارت آمد چاہتے ہیں” جو چاہتے ہیں کہ پاکستان فنکار بھارت میں جا کر کام کریں۔ ماہرہ خان ، فواد خان ، میرا ، وینا ملک ، حمائمہ ملک ، ہمایوں سعید ، سمیع خان ، میکال ذوالفقار ، جاوید شیخ ، زیبا بختیار، زیبا اور محمد علی ، عاطف اسلم ، راحت فتح علی خان ، علی ظفر و دیگر بھارت جا کر کام کر چکے ہیں اور بھارتی عوام نے انہیں بہت پذیرائی بھی دی ہے۔
Leave a reply
