رحیم یار خان محکمہ صحت اور پولیس کا مشترکہ چھاپہ

محکمہ صحت اور پولیس کا مشترکہ چھاپہ،جمال ٹاؤن میں ایک گھر سے لاکھوں روپے مالیتی زائد المیعاد، غیر رجسٹرڈ پاکستانی اور بھارتی ادویات برآمد،ملزم گرفتار،تفصیلات کے مطابق محکمہ صحت کو اطلاع ملی کہ کچہ صادق آباد روڈ پر ایک گھر میں عمران اسلم نامی ایک شخص غیر قانونی پر ادویات کا کاروبار کر رہا ہے جس پر ایس ایچ او سی ڈویژن محمود الحسن اور ڈرگ کنٹرولر مقبول حسین بھٹی کی قیادت میں ایک ٹیم نے چھاپہ مارا اورتقریباّ 20لاکھ روپے کی زائد المیعاد اور غیر رجسٹرڈ ادویات اپنے قبضے میں لے کر ملز عمران اسلم کو گرفتار کر لیا۔ڈرگ کنٹرولر مقبول بھٹی نے میڈیا کو بتایا کہ برآمد ہونے والی ادویات میں بڑی مقدار میں غیر رجسٹرڈبھارتی ادویات بھی شامل ہیں جو ممکنہ طور پر اسمگلنگ کے ذریعے پاکستان لائی گئی ہیں انہوں نے مزید بتایا کہ ملزم کے خلاف ڈرگ ایکٹ 1976ء کے تحت مقدمہ درج کیا جا ئے گا۔مزید معلوم ہوا ہے کہ ملزم جن میڈیکل سٹورز کو یہ ادویات فروخت کرتا تھا وہاں بھی چھاپے مارے جائیں گے اور انکے خلاف بھی کارروائی کی جائے گی۔اطلاعات کے مطابق ملزم عمران اسلم کافی عرصے سے اس دھندے میں ملوث تھا اور رات کے اندھیرے میں کار کی ڈگی میں ادویات فرخت کرتا تھا۔