لاک ڈاؤن کے دوران پہلا احتجاج ‘ ریلوے ملازمین کا کورونا سے بچاؤ کیلئے حفاظتی انتظامات نہ ہونے پر مظاہرہ

لاہور :لاک ڈاؤن کے دوران پہلا احتجاج ‘ ریلوے ملازمین کا کورونا سے بچاؤ کیلئے حفاظتی انتظامات نہ ہونے پر مظاہرہ،اطلاعات کےمطابق سینکڑوں افراد کے جمع ہونے کی ویڈیو وائرل ، ڈیوٹی پر آنے کو تیار ہیں ، کورونا وائرس سے بچاؤ کیلئے حفاظتی انتظامات کئے جائیں

تفصیلات کے مطابق کورونا وائرس سے بچاؤ کیلئے ملک بھر میں لاک ڈاؤن کیا گیا ہے۔ شہریوں کو گھروں میں رہنے کی ہدایت کی جا رہی ہے ۔ دوسری جانب وزیر اعظم پاکستان نے بھی خدشہ ظاہر کیا تھا کہ بزرگ افراد اس وائرس سے زیادہ متاثر ہو سکتے ہیں ۔

تاہم وفاقی وزارت ریلوے کی جانب سے کیرج ورکشاپ کے ملازمین کو ڈیوٹی پر حاضر رہنے کی ہدایت دی گئی ہے۔ دوسری جانب ریلوے ملازمین نے ورکشاپ میں کورونا وائرس سے بچاؤ کیلئے حفاظتی انتظامات نہ کرنے پر احتجاج ریکارڈ کرا یا ہے۔ جہاں ملک بھر میں کسی ایک شخص کو بھی غیر ضروری طور پر باہر نکلنے کی اجازت نہیں ہے ۔

ویہی بزرگ ریلوے ملازمین اپنے زندگیوں کی حفاظت کیلئے احتجاج کرتے نظر آتے ہیں۔ وائرل ویڈیو میں دیکھا جا سکتا ہے کہ ریلوے ملازمین جن میں زیادہ تر تعداد بزرگ ملازمین کی ہے سینکڑوں کی تعداد میں موجود ہیں۔پولیس کی گاڑیاں بھی موقع پر موجود ہیں تاہم اس احتجاج کو منتشر کرنے میں ناکام نظر آتی ہے۔ مظاہرین کا کہنا ہے کہ ڈیوٹی پر آنے کو تیار ہیں وزارت ریلوے کورونا سے بچاؤ کیلئے حفاظتی انتظامات کرے۔