اسلام آباد (محمد اویس):پاکستان ریلوے پولیس کے تنظیمی ڈھانچہ میں تبدیلی کردی گئی ۔
تنظیمی ڈھانچہ میں تبدیلی ریلوے پولیس کی ورکنگ کو مزید بہتر بنانے کے لئے کی گئی آئی جی ریلوے پولیس عارف نواز خان نے تحریری احکامات جاری کر دیے ریلوے پولیس کی 8 ڈویژنوں کو نارتھ اور ساؤتھ زونز میں برابر تقسیم کر دیا گیا ڈی آئی جی ہیڈکوارٹرز کی سیٹ کو ڈی آئی جی نارتھ میں تبدیل کر دیا گیا ڈی آئی جی آپریشنز کی سیٹ کو ڈی آئی جی ساؤتھ میں تبدیل کر دیا گیا نارتھ زون میں ریلوے پولیس لاہور ، ورکشاپس ، راولپنڈی اور پشاور شامل ہیں۔
ساوتھ زون میں ریلوے پولیس ملتان ، سکھر ، کراچی اور کوئٹہ شامل ہیں ۔ڈی آئی جی نارتھ کا صدر دفتر لاہور جبکہ ڈی آئی جی ساؤتھ کا صدر دفتر کراچی میں قائم کر دیا گیا ڈی آئی جی نارتھ وقار عباسی جبکہ ڈی آئی جی ساؤتھ شہزاد اکبر تعینات کردیا گیا
